قصيدة عتب عراقية للدول العربية

قصيدة عتب عراقية للدول العربية بعنوان (بعد ما ريد فيزة)

بعد ما ريد فيزه ولا لجوء انـساني...... .. عمت عين الاقامه الدنست صـيتي
واشكر كل صديق وكل خوي وكل جار ... قـفل بابه ورفض يـقبل عراقيتي
خلف الله عليكم والوكـت دولاب ... .. لا بد يوم يـنزل بيكم ارضيتي
لان اول امس كل البشر خـدام ..... .. جانوا للـعراق واكلـواابيتـي
جان الضيف عندي مكرم ومهـيوب . فوگ الراس اشـيله وهاي تربيتي
ما داعي اسولف وانه ابو النـهرين ... .. ياهو الـما سمع اخـبار حنيتي
بعد بصـمات اديهم والطبع موجود .... .. من جانوا جياع بوسط صيـنيتي
يـا دنـيه حرام ومـنكرومـكروه.......... اذا ابـن الـعراق الـيوم وطيتي

معـقوله نسيتي اسم الـعراق بساع .. .... لـو مثل الـبشر همّن تـناسيتي
مـيفيد الحچي ولا تـنفع الـچـلـمات ...... راجع يا وطن لترابـك الزيتي
راجـع يـا حـبـيبة گـلبي يـا بغداد ... .. وادرىبكـثر ما ونـيت ونيتي
وادري لوحّدج عفناج صار سنين ... وادرى من الحزن تابوت سويتي
جيب الاغتراب وحـطه بالـتابوت .. .. يا غربه الـعراق شكثراذيتي
ما اعيـش ابّحر مالح طـعم يا ناس . .. انه بسجن الـفرات وفقط حريتي

وترابي ذهـب والگاع من ياقـوت .... ومن ثوب الكرامه البسهه بيريتي
واذاگالوا لترجع والوضع مو زين ... .. اگول اني الوضع والزين تاليـتي
وميهمني بعدليصير خلي يصير ... .. طعم الموت اشرف من هجر بيتي
أموت بوسط خوتي ويا حلاةالموت .. .. من اجمع اهلـنه واكتب وصيتي
وصيتي لو متت لتچفنوني چفان ..... .. لفوني بعلمنه وهاي امـنيتي
واذا تردون اليه بهالگبر ارتاح ..... .. امانة الله دفنوا وياي جنسيتي

تــــحــيــاتـــي الــــكــــــــم

عاشت يدج

على القصيدة الحلوة تسلم يدج

كلش حلوة دائمن متالقة باختيارج المواضيع قصيدة عتب عراقية للدول العربية 319224

تحياتي

مشكوره عزيزتي القوشيه على المجهود الحلو
بس الموضوع مكرر ارجو منج قبل ما تنزلين اي موضوع اتسوين عليه بحث
وتحياتي الج
https://alqosh.all-up.com/montada-f3/topic-t6536.htm?highlight=%c8%da%cf+%e3%c7+%d1%ed%cf+%dd%ed%d2%c9

» قصيدة عتب عراقية للدول العربية (بعد ما ريد فيزة)
» هندي قرر يترجم الأمثال العربية>> هع هع
» عراقية

إرسال الصورة

قصيدة عتب عراقية للدول العربية