قصيدة عتب عراقية للدول العربية (بعد ما ريد فيزة)

بعد ما ريد فيزه ولا لجوء انـسان...... .. عمت عين الاقامه الدنست صـيتي

واشكر كل صديق وكل خوي وكل جار ... قـفل بابه ورفض يـقبل عراقيتي

خلف الله عليكم والوكـت دولاب ... .. لا بد يوم يـنزل بيكم ارضيتي

لان اول امس كل البشر خـدام ..... .. جانوا للـعراق واكلـوا ابيتـي

جان الضيف عندي مكرم ومهـيوب . فوگ الراس اشـيله وهاي تربيتي

ما داعي اسولف وانه ابو النـهرين ... .. ياهو الـما سمع اخـبار حنيتي

بعد بصـمات اديهم والطبع موجود .... .. من جانوا جياع بوسط صيـنيتي

يـا دنـيه حرام ومـنكر ومـكروه.. اذا ابـن الـعراق الـيوم

معـقوله نسيتي اسم الـعراق بساع .. .. لـو مثل الـبشر همّن تـناسيتي

مـيفيد الحچي ولا تـنفع الـچـلـمات ...... راجع يا وطن لترابـك

الزيـتي

راجـع يـا حـبـيبة گـلبي يـا بغداد ... .. وادرى بكـثر ما ونـيت

ونيـتي

وادري لوحّدج عفناج صار سنين ... وادرى من الحزن تابوت سويتي

جيب الاغتراب وحـطه بالـتابوت .. .. يا غربه الـعراق شكثر اذيتي

ما اعيـش ابّحر مالح طـعم يا ناس . .. انه بسجن الـفرات وفقط حريتي

وترابي ذهـب والگاع من ياقـوت .... ومن ثوب الكرامه البسهه بيريتي

واذا گالوا لترجع والوضع مو زين ... .. اگول اني الوضع والزين تاليـتي

وميهمني بعد ليصير خلي يصير ... .. طعم الموت اشرف من هجر بيتي

أموت بوسط خوتي ويا حلاة الموت .. .. من اجمع اهلـنه واكتب وصيتي

وصيتي لو متت لتچفنوني چفان ..... .. لفوني بعلمنه وهاي امـنيتي

واذا تردون اليه بهالگبر ارتاح ..... .. امانة الله دفنوا وياي جنسيتي

زائر

واااااااااااااااو
عاشت ايدج ياورده صدك شعر اكثر من رائع

قصيدة عتب عراقية للدول العربية (بعد ما ريد فيزة) 245149

عاشه الايادي يانجمه المنتدى

زائر

عاشت ايدج ياهمي صدك كلمات حلوى وحزينة
انشاءلله ان يجي يوم ونجتمه بالعراق العظيم ونرجع على بلدنا الحبيب

زائر

تسلم ايدج حبي ندوش ولله شعر كلش حلو قصيدة عتب عراقية للدول العربية (بعد ما ريد فيزة) 245149

mark,.,.aseer,.,selen,.,.ashkrkm ya ahla ahl bl dnea,.,.

نداء شعر كلش حلو عاشت ايدج يا ورده الله لا يحرمنا منج ومن مواضيعج الحلوه

تحياتي الج

askim,.,klsh frhana b ojodk ya ordaaa,.,.

» عراقية انا
» منشئ الأرقام العربية
» ابوذيات عراقية

إرسال الصورة

قصيدة عتب عراقية للدول العربية (بعد ما ريد فيزة)