لحد من ياوطن

لحد من يا وطن نايم على الغيظ وعمر الغيظ ما نامت منيتك

شمد صبعك نايم بين الوفيات وحكام العصر باكو هويتك

عدمن تشتكي وكلهه تماثيل وياتمثال يحكم قضيتك

شكم حاكم اجاك وشبعك موت ضل ياهو اليجي ويخش بخصوصيتك

حاير ياوطن مدكولي شبيك من يوم الصرف حاير لكيتك

ليش بكل وكت مذبوحه هالناس وعلى الموت الغصب فاتح شهيتك

تمنيتك اللالف جناسي استوطنت بيك غافل لحدمن اضل بغفيتك

اصحى يا وطن تاريخك انباك وناطورك انباك من اهل بيتك

كولي اطيب جرحك ياوطن بيش وعزرائيل غافي بريتك

اعرفك ما تعرف الخوف فد يوم معروف انت بالشدات صيتك

ياديرت الشرف يا هيبت الكون الدنيا اصيحك بشدة

يادلة مضيف وعالي الشال بالطيبات ما مثلك لكينه

نسيت الاهل والقربه والاحباب صدك يا وطن بس مانسيتك

اشتهيتك الموت وادري الموت مكروه بس ماصاح بيديه ولكيتك

وعنك ياوطن غشك المجانين وعلى دم الضحايا هويتك

حاير ياوطن مدكولي شبيك من يوم الصرف حاير لكيتك

خير ياوطن الا تختار لو طاغي يحكمك لو استعمار

تخير ياوطن والاثنين الك تختار لو تنباع بجمله لو حكم جبار *[[/center]

الله ياخاثي شمعة ياريت يجي يوم والتقي باهلي ووطني الحبيبي العراق وبلدتي القوش
اكيد شمعة كل العراقيين عدنا روح وطنية محد من الدول ماعدهم مثلنا روح وطنية
احنا العراقيين احنا الي عدنا غيرا بكل شي اسعدني مرورج الجميل وكلماتج الرائعة
انشاءلله ياربي كلنا نرد للعراق الجريح واحنا ندويه

تسلم حبي اسير علا اشعارك الحلوه والتدخل القلب برقه احساسها
عاشت ايدك ورده

حبيبي مارك على مرورك الجميل