اكذب عليك والكذب انواع

[ندعوك للتسجيل في المنتدى أو التعريف بنفسك لمعاينة هذه الصورة]دون أن أطيل في المقدمات ودون أن أسبب لكم الصداع بين الخود والهات .. يا جماعة وباختصار نحنا وللأسف شعب كـــــذاب!
رغم اختلاف التسميات ورغم تجميل الحقيقة بمصطلحات عديدة وعتيدة فالحقيقة مرة يا بنتي.. والكذب اسمه كذب
المسؤول في بلادنا يكذب على المواطن، والمواطن يكذب على زوجته، زوجته تكذب على جارتها، وجارتها تكذب على زوجها، زوجها يكذب على صديقه اللحام، اللحام يكذب على زبونه الخباز، الخباز يكذب على أجيره، وأجيره نازل كذب على بنت الجيران! الكذب شغال على أبو موزة .. مع أنو حبل الكذب قصيرررر…
بس الغريق بيتعلق بقشة، والقشة عن الحداد والحداد بدو بيضة والبيضة عند الجاجة والجاجة بدها سلتها بلا عنب … ودخيلك مين سائل!!
ويقول قائل أنا لا أكذب .. بل أتجمل .. أي أهلين تعوا شوفوا وين وصلان الكذب مع أخونا .. ولك بكل عين وقحة عم يكذب علينا ويقلنا أنو قال يعني الكذب نوع من أنواع التجميل، هلأ يعني بدو يقنعني مثلاً أنو بدال ما روح لعند دكتور التجميل وقله بشقلي منخاري .. أو مثلاً مثلاً ينفخلي شفايفي، بخترعلي كم كذبة وبنافس بجمالي نانسي وإليسا (في حال كانوا حلوين ..) ما علينا مو هاد موضوعنا، المهم.. هلأ بس إذا فكرنا بالموضوع ملياً منلاقي أنو عمليات التجميل هي نوع من أنواع الكذب! .. ولك معقول مشان هيك صايرة عمليات التجميل ببلادنا أكتر من الهم على القلب واكتر من فستق بالعجوة؟ ..

معناها حتى الروج والفوندتان والمسكرا والكحلة ومزيلات الهالات السوداء والبقع الحمراء ما هي إلا نوع من أنواع الكذب .. يعني فينا بكل بساطة نسمي شركات التجميل بشركات “اكذبي عليه”، وأطباء التجميل ببائعي الكذب ..
هلأ رغم أنو ممكن يكون كذبك حلو …. بس يعني فكرة أنك تضل كل حياتك عايش بكذبة بترّعب بحد ذاتها، تصوري مثلاً يكون حدا كل عمره عم يقلك ولك بحبك وليه، بس عم يخونك مع عشرة.. أو بأحسن الأحوال عم ياخدك على قد عقلك … يمكن مشان هيك بيقولوا أنو الكذب ملح الرجال، طيب إذا ملحهم الكذب شو تركوا هالرجال للفلفل والبهار؟
هلأ يعني مشان ما نظلم الرجال، فبرأيي حتى هاد يلي قال أنو الكذب ملح الرجال فهو كذاب أيضاً، لأنو الكذب هو مو بس ملح الرجال، بل كذلك النساء .. ومو بس هيك وكمان ملح الصغير والكبير والمقمط بالسرير .. يعني هلأ ما بيمنع أنو في طفرات، بس حتى هدول الطفرات بيكذبوا بنسبة ما، ورغم هيك يطلق عليهم بمجتمعاتنا بعيداً عنكم اسم “هبلان!”
ومتل ما بيقولوا ألف قولة جبان ولا قولة الله يرحمه، صاير عنا المتل مقلوب لدرجة أنو صرنا نفكر أنو ألف قولة كذاب ولا قولة أهبل، مشان هيك صار الكذب مرض اجتماعي، وما عاد حدا لحق الكذاب لورا الباب، لأنو ما عاد فيه لزوم للبواب .. حارتنا ضيقة ومنعرف بعض .. ويلي بتعرفه أحسن من يلي بتتعرف عليه ولا حدا يصدقني لأني ولك حتى أنا كذابة وخصوصي إذا بقلكم إني وأنا وعم أكتب هالتدوينة بكامل قوايي العقلية! ما قلتلكم في هبل بالموضوع؟!!

شكرا خاثي على الموضوع بس الصراحة الكذب بجميع انواع مو حلوووووووووو اكذب عليك والكذب انواع 245149

يا

على الموضوع

» الحب والكذب
» أنا زعلان عليك...مش منك
» هل تسامح شخص كذب عليك ؟

إرسال الصورة

اكذب عليك والكذب انواع