مشاهد من الحياة_راحت ورحنا وحلوة الحياة

المشهد الاول :

وحدة جميلة كتير و حبيبتي بس بتخوني !!!!
شو اساوي بجمالها؟؟
بياخذها الزمن و بتصير عجوز
عادي راحت ورحنا ، و حلوة الحياة.

المشهد الثاني :

سيارة مسرعة طايرة طيران وبتعفس واحد مسكين
و المسؤول رفيق اللي كان عم يسوق والخطا طبعاً نصو على المعفوس
والباقي على أبو الي عم يسوق
و بالليل اللي كان عم يسوق بكون سهران شي سهرة مرتبة
عادي راحت ورحنا ، و حلوة الحياة.

المشهد الثالث:

غني و ظالم
بقلع المساكين و يستغل الضعيفين
مغرور و فاسق و بيتو عامر كلون بيمسحولو جوخ
و مع ذلك يجمع حسنات من كتر اللي بسبوه
عادي راحت ورحنا ، و حلوة الحياة.

المشهد الرابع :

يكد يدرس و يشتغل مشان يبني مستقبلو
تزوج و اجاه ولاد وبعدا تقاعد
صار عايش بمكان و مرتو بمكان
والسبب الولاد
صار دار العجزة بيتهم
عادي راحت ورحنا ، و حلوة الحياة.

المشهد الخامس :

بتغازل الرايح والجاي ، و بتاخذ ارقام ، و تطلع مع هدا و بتواعد هداك
و بيوم من الأيام وقع الفاس بالراس ، بكيت و راحت تشكي لامها غدر الزمان
طبطبت عليها امها وقالتلها: ولا يهمك سفرة لمصر، و شوية سيولة و بترجعي بنت
عادي راحت ورحنا ، و حلوة الحياة.

المشهد السادس :

مرفوع الكفن أبيض وصحابو وسط هالبياض في منهم كان عم يبكي و منهم عادي دفنوه
و تبكبكوا شوي و اخر الليل كانو بالخمارة مشان يسكروا وينسوا
عادي راحت ورحنا ، و حلوة الحياة

المشهد السابع :

قنينة مي بقيانة بالسيارة عم يزاورها ، زعلان منها
بيفتح الشباك و رماها بنص الشارع
و وقت يجتمع مع الشباب بيقال:
إيمتا رح نتحضر؟؟!؟
عادي راحت ورحنا ، و حلوة الحياة.

المشهد الثامن :

اهم شي القميص نظيف ، و البدلة مكوية
و القلم ماركة ، و الساعة عم تضوي
و الكندرة جلد مبوزة ، والسيارة دس
و الموبايل ما بيهدا يا بنات
أو البنوك بدا فلوسها
عادي راحت ورحنا ، و حلوة الحياة.

المشهد الأخير :

سطحية و مغرورة
غبية و متكبرة وفوق كل هادا يا ريتها حلوة
بدا زوج مواصفاتو ما يقول لا وبيكره الاستراحات
لازم وسيم و انيق
متعلم و دخله ممتاز
لازم يكون بحب السفر
و بعد كم سنة بتلاقي حالها عالانترنت
عم تدور على واحد يقبل فيها
عادي راحت ورحنا ، و حلوة الحياة.