الشعر الدارمي

موضوع: الشعر الدارمي الخميس يناير 29, 2009 7:35 pm

يلوم المادره بروحي شمرها
مايدري الدهر عن ودهم شمرها
ليالي افراكَهم والله شمرها
أمر من المنازع بالمنيه

احبك ما أحب عل الأرض سواك
سبحان الذي من طــين سواك
بشر لكنه ويال الكَـمر سواك
واحد فوق واحد بـين ايديه

اريد اعبر بحــر دمعي وفيه
وعليج اكطع الــف فيه وفيه
ابشمس حبج انه معذب وفيه
وما عندج وفه واسـمج وفيه

جمالك زاد عن يوســف وقبله
وحبك صار لي منـبر وقبله
أمر أعلى الصخر ولفي وقبله
لأن كَلبك صخر ماحن عليه

انتهينا وايست منك وضعنه
وكل واحد ماشي بدربه وضعنه
كَضه وياك واتبدل وضعنه
امأيس واغسلت منك اديه

اوفٍ من زماني اه منه
على اللي عشرتي وياه منه
اكَله الدرب هذا يكول منه
اكله فوت بيه يرد عليه
عايش اومختلي ابحالي وخالي
وشوف اهواي بعيوني وخالي
عمي ذب علي جمره وخالي
جاب امهفته وهفه عليه

المدرسه البيها هواي احلى المدارس
افرح لون بالباب خلوني حارس

كون المدير يكول درسهم انته
اشرح خمس ساعات بس عن كذلته

الطالبات انجوم وانتي گمرهن
لشوفتج فدوه يروح عمري وعمرهن

يا حلوة الحلوات نتلاكه يمته
هو العمر شيفيد من يكضي سكته

اول اريدج دوم عالصف تطلعين
وحالف قصيده اهديج كلما تنجحين

هاج الكلب اخذيه دفتر للدروس
وعيوني من تقرين سويها فانوس

خابرت ست مرات طلعتلي امج
قررت من هاليوم ما راح اكلمج

حلو اسمك وابوك اشلون .. سماك
وحبيبك لو زعل وياك .. سماك
اصيرن سمج وانت اليوم .. سماج
امن اطيح ابشبكتك تعطف عليه

اريد اخبط زميج الرمل .. والحر
وادور عل صديج الوفي .. والحر
نخيت الهل وابو الحسنين .. والحر
يحفظ كل اخو يذكر خويـــه

بنيت ابيوت بالشعله .. وسومر
ووجهي من التعب مولح .. وسومر
الناس اتدخن اگريفن .. وسومر
ونه التتنات ما طاحن بديــــه

عمري التيهيته وضاع .. سني
كبرت وطاح من گدام .. سني
شيعي ولجلك صرت .. سني
وتيهت الخمس والمرجعيه

همني الكصاب من كص وريدي ... همني الصديق الخان وضنيتة ايدي

مر بينه شنهو يصير من تمر خايب ... مسموم انا بفركاك مامش حبايب

طيرانته وانا الكاع لازم تحط يوم ... لوطاير وتعبان لو صايدك حوم

هاي اذني يابو فلان انچان افك حلگي ... وباب الكلب مفتوح هم احط سرگي.

هذا الحچي التحچي قنعة لروحك ... اصبر شهر شهرين واحسب اجروحك

كون الله واهل البيت وحق الصحابة ... يرجع حبيب الروح ويذكر احبابة

كون الخميس يشيل منك يالسبوع ... بيه زفة المحبوب وتهل الدموع

واحَدكُم عله الموت يِكِبل ولا يهابْ
لا نفسَه تحَمل لوم ْ لا يقبل عتابْ

وهذا الدارمي فيه شئ من الحس الطبقي حسب تعليق مظفر النواب:

شبه الدرج دنيّاك شَيْ اعله من شَيْ
يَالبِالشمس ظليت هَمْ يِكسر الفَيْ

ومن الدارميات المتداولة بين العراقيين، وهي كوصية على الكبرياء وعزة النفس :

لو ضَكِـتَكْ دِنْياكْ ها بالَـكْ اتْصيحْ
إرجي الرمح لِجْلاكْ واصْبرْ لَمَا اتْطيحْ

وهذا دارمي آخر يفسر نفسه:

يادِنيَة نوبْ ألويـج نوبْ انْتي تِـلْوين
إخْذيني بِالمعروفْ لو رِدْتي تِجْـفينْ

بعض الدارميات تكون - رادود - بمعنى رديّه بين اثنين

بالك تمر بالدار عنها اشمر بعيد
دار العزيز هواي نوح وبجي تريد

فيرد عليه :

عمدا امر بالدار والنوح ازيده
واسمع صداها يقول راح التريده

الشعر الدارمي

موطنه :
اشتهر الدارمي في المحافظات الجنوبيه من العراق وفي الناصريه بشكل خاص
.والدارمي يتكون من بيتين شعريين فقط وذي قافية موحدة، متكامل الصورة
الشعرية، بكل الخصائص الشعرية المشروطة . ويشترط في البيت الثاني دوماً أن
يكون معناه مضاداً للأول و مناقضاً أو مكملاً وتوضيحاً له، وأعتقد هنا بأن
فنية البناء الشعري للدارمي وشكله، قد توارثها شعراء القصيدة الشعبية في
العراق كأحدى الطرق المحببة في كتابة الشعر الشعبي العراقي .

والشعر الدارمي سـلس الوقع ذو موسيقى ناعمة، قوي الديباجة،تفيض به الكلمات
الدارجة العراقية ذات الشحنات الجذابة . ومن خصائص الدارمي هو الكشف عن
حالة ما بوضوح شعري تام . والدارمي يحوي علىإبداعية كبيرة لشاعره، لكون
المساحة الكتابية ضيقة وقصيرة جداً، مقارنة مع أنماط الشعر الشعبي الأخرى
. لذا يمكن أن نسميه بـ" شعر الومضة " الكاشف بغنائية عالية وروحية
الأقصوصة الغنية بزوايا الحدث الروائي . والدارمي سهل ممتنع،له من
المسميات المعروفة كالغناء – التوشيح - غزل البنات أو نظم البنات وذلك
لفحولتهن الشعرية المتجددة وجدارتهن في إنتاجه وصياغته بإبداعية ملموسة .
حيث مازالت المرأة العراقية رائدة في الأبداع من خلال هذا النمط والشكل
الشعري الشعبي . فقد دجنته وعبأته بدفء مشاعرها ومكونات أحاسيسها الشجية
العذبة، وكذلك نمنمات أشياءها اليومية . فما بين شفافيتها كأمراة ووضعها
الأنساني العام، وجدت في شعر الدارمي خير لسان حال لها . ويكتب على ( سائر
الأوزان الشعرية العامية ومجزوءاتها ).. ذُكر أيضًا أن الدارمي
بحره " مجزوء الرجز " والذي هو

مستفعلن فعلان مستفعلاتن
مستفعلن فعلان مستفعلاتن

واسم الدارمي له الكثير من التعليلات عند الباحثين العراقيين، منهم من
يرده الى بني دارم، او لصبغة " الديرم " الداكنة المستعمل من قبل النساء
في العراق وهو لحاء شجرة الجوز، ومنهم من يعلل الأسم لـ " دردمة " وهي
تسمية شعبية للمتحدث مع النفس. ويقال أن الأسم مشتق من " الدردَمَة " وهو
إصطلاح شعبي، يعني " الـهَمْهَمَة " أي تكلّم كلاماً خفيّاً .ونظراً
لسهولة معانيه العميقة بما يحمله من ترافة نغمية أخاذة، مازالت الأغنية
العراقية تعتمده كنصوص غنائية .

احبك ما أحب عل الأرض سواك
سبحان الذي من طــين سواك
بشر لكنه ويال الكَـمر سواك
واحد فوق واحد بـين ايديه واووووووووووو كلمات روعة عاشت ايدك مواضيعك حلو الشعر الدارمي 5869

جمالك زاد عن يوســف وقبله
وحبك صار لي منـبر وقبله
أمر أعلى الصخر ولفي وقبله
لأن كَلبك صخر ماحن عليه

وااااو كلش حلو عاشت ايدك كلمات روعة يسلموووووووو

شكرا على مروركم

اكو هواية اشعار بس صدكو ماكو واكت

عمري التيهيته وضاع .. سني
كبرت وطاح من گدام .. سني
شيعي ولجلك صرت .. سني
وتيهت الخمس والمرجعيه

عاشت ايدك حبيبي القوش دمي اشعار كلش حلووة

» الشعر الدارمي
» الشعر الثاني تليت هذا الشعر الثاني ترحيبا بسيدنا الب
» احب الشعر من قلبي

إرسال الصورة

الشعر الدارمي