⚔ ⚔ ⚔ ســــالفة .. تعجبكُـــمْ ⚔ ⚔ ⚔

سالفة تعجبكم :

اكو واحد فقير ومحتاج 50 دينار حتى يسوي عملية لابنه المريض جاء
گعد يم جامع الخضر يگدي فشافه امام الجامع وانكسر گلبه عليه واقترح
عليه يجي يوم الجمعة على صلاة الظهر حتى يگدر يساعده بجمع تبرعات
المحسنيين والله ويوم الجمعة طلب الامام من المصلين مساعدة هذا المسكين
الگاعد بباب الجامع بعد ان وعضهم وحثهم على المساعدة بعد ما راحوا
المصلين الامام سأل الفقير: ها؟ جمعت اللي يكفيك من مال الله؟ جاوبه:
كل ما جمعته اقل من 5 دنانير وراح يمشي على جرف نهر دجلة القريب
من الجامع وهو مهموم فالتقى بواحد من العرگچية وسأله عن سبب
حزنه فحچاله القصة واللي صار ويه المصلين فگال له:
لا تشيل هم اليوم ان شاء الله تنحل ...
انت بس تعال هنا بعد الغروب وفعلا من اظلمت الدنيا اجا للجرف
لگاه مليان عرگچيه وربعيات وخس ومزه وسوالف وضحك وفجأه سمع صوت:
ها خويه جيت؟ دتعال هنا اگعد ويانه شويه و سووا بيك للمسكين وانطوه مزه
وطيبوا خاطره وبعدين وگف العرگچي على حيله وصاح: سمعوا اخوان كلكم...
هذا الرجـّال هيچ و هيچ قصته وانتوا كلكم اصحاب نخوه فخلي نساعده شگ
د منگدر بعد عشر دقايق صار بجيب الفقير 75 دينار فرح جدا وشكر
العرگچي اللي ساعده وباوع عالسماء ودعى : الله يهديهم.....
ثم عاد بكلامه بسرعه:ـ لالالالالا..... الله لا يهديهم خليهم هيچي أحسن .

من طرف الأخت : نوال قطّـــا
منتدى / كرملش فور يـــو .

» ⚔ ⚔ قصيدة : انتَ الحلم والخيال والواقع .. والسـراب ⚔ ⚔
» ⚔ ⚔ محشّـش راد يحسّــن سمعة المحشّشــــين ! ⚔ ⚔
» ⚔ ⚔ الإنتحار لدى الأطفال والشباب في بعض الدّول ⚔ ⚔

إرسال الصورة

⚔ ⚔ ⚔ ســــالفة .. تعجبكُـــمْ ⚔ ⚔ ⚔