على بالي

اخليج اعله بالي من يجي الليل

واثبت صورتج مابين العيون
اعاين بالوجه واتأمل الحال
وانه لحبك صفيت اليوم ممنون
اسولف بيك صرت بليل ونهار
وصرت مذكور بكتاب اليعشكون
احسب للزمن ساعاته الاطوال
وعد للعمر وشحال اليعدون
مو كافي الصبر مو ملت الروح
ويكلولي انتظر وانه اصبر اشلون
الصبر مطلوب بس اليحب معذور
مو عقله اليسيره القلب مفتون
اذا قيس اعله ليلى تخبل اخبال
مو حقي اصيرن بيج مجنون
حبج لاذهب لا هو عقد ماس
يفوق اعله الدرر لمن يشبهون
وتكليلي اعله بالك خلني بالليل
مو حبج كتلني واحنه المتون
اشيلنج جرح واتوسد الاه
واللوذ بونتي ويه اليونون
اجر ياولي واكضي الوكت صفنات
واتاني الفرج بلكي بهاي وتهون
وبعد هذا الحجي خبريني عن الروح
من تلكاج شنو الراح يجره وشنو اليكون

عاشت الايادي زهرتناااا عالخاطرة الحلوة
والي تحمل الحب بطياتهااااا

لالج
و ونور المنتدى بمواضيعج الحلوة يا

مشكورة زهورة على الخاطر الحلو

خاطر وكلمات حلوة

تحياتي

المنتدى يستاهل اكثر من هالشي لان جمع اجمل ناس في ثناياها دام وجودكم ونوركم