شآعر يحضر زوآج حبيبته

أبد ماجيت أبارك ولكن جيت باوصيك
على اللي ناوي تدخل بها الليله .. معذبتي

ترى لولا الظروف اللي عطتك وحدت محاكيك
قسم بالله ما تدخل عليها لو عل رقبتي

ولكن النصيب اقوى ولا ادري ويش اسوي فيك
نعم صارت معزبتك .. ولا صارت معزبتي

كذا شاءت بنا .. تحرمني لاجل تعطيك
كذا لازم تفوز انت لازم اخسر بتجربتي

تراها غاليه جدا .. وتكفى .. والله يخليك
تدللها .. تدلعها .. تنسيها مصاحبتي

أنا من كثر مااغليها أحس اني بديت أغليك
ولا تسأل بأية حق والا وش مناسبتي

لأنك لو بتسألني بتسمع شي ما يرضيك
لذا ياخوي لاتسأل ولا تسمع لأجوبتي

أبيك تحطها داخل عيونك وبين ايديك
وهي دلوعه اعتادت على كثر مداعبتي

فداعبها شوي شوي حتى تشتهي طاريك
وشاغبها الين تقول لك : بطل مشاغبتي

واذا هي مالها خلقك .. ولا تضحك .. ولا تسليك
تحملها واسألها : ياعمري ليه عصبتي

وبالك اسمع انك تضربها وهي تشكيك
ما يحتاج اوريك بفن الضرب موهبتي

صحيح انك بتملكها ومعك العقد بالتمليك
وانا عارف حدود الله ومن حقك معاقبتي

ولكن قلها المجنون وصاني وهو يعنيك
يقول انه بينتظرك ولو شيب وشيبتي

وانا مجنونها اللي مانساها وانت ما يمديك
تغطي ذكرياتي في هواها وربع تجربتي

احس اني تماديت بكلامي والغضب حاديك
ولو انك في مكاني ما تفكر في محاسبتي

كفاك اني تركت الليله اشغالي عشان اجيك
دخلت القاعه برجلي ولا ادري وش عاقبتي

انا ماجيت اخرب عرسك الليله ولا أذيك
أنا جيتك الليله عشان أخاطبك واسمع مخاطبتي

توصى وانتبه واحرص عليها والله يهنيك
ترى كل الكلام اللي طلع من ضيقي و كبتي

ولكن ما قدرت اني أقوله وانت مايخفيك
أخاف إني إذا قلته تقوم وتقطع رقبتي

صحيح انك بتملكها ومعك العقد بالتمليك
وانا عارف حدود الله ومن حقك معاقبتي

قصة مقهرة لو كنت بدل الشاعر كنت متت
هههههههههههههههههههههههههههههههههههههههههههههه
عاشت اديكي