من صيد الاسود انتبه واحذر

مو تلعب عليه وانه اذوب الليل
من صيد الاسود انتبه واحذر

بس انه على هونك هسه ومخليك
اساقيك بوفه ما ريد تضرر

العب بيك جوله واحط بيك جروح
تعرف من يبارز اسد لو زمجر

مثل جلد الافاعي تبدله بكل حين
وجهك يوم طافي ويوم يتبشر

ليش من التقي وياك ما ارتاح
واشم طعم الغدر لو اقترب اكثر

رغم تجميل وجهك والاناقه البيك
هارش بيك سمك والوجه اصفر

واحس نظرة خداع بهمز من عيناك
مو منظر حقيقي البيك ما اكدر

ما اكدر اكلك يا خليل الروح
ما اكدر اسولف والحجي تعذر

اسمع خلي اكلك وانتبه ياصاح
روح العب بعيد وياي ما تكدر

ياهو العلمك تلعب على الحبلين
ما كلك تره من تطيح تتكسر

ماماضغ رصاصه وهل صحت جايوس
غم عين التفك لوبيك يتبختر

خليك بهداوه تعامل الخلان
بطيبة ذات وبمعروف يا اسمر

وبطل كل حجي بيه انتقاص وكووووم
كوم اغسل كليبك واشمر المنكر

وازرع بالكلب شتلة امل متموت
تسكيهه بحنين وشوك من تضمر

وابعث للنفس فرصة صفاء وشوف
لتخلي النفس مالومه تتحسر

خل طبعك ضياء ينور اليمشون

موصخره ولعدهه الناس تتعثر

جنت طشار وانه اكعد الم بيك
اعاتب صار ماينفع والم بيك
وحك عيناك من اشعر الم بيك
اتمنه الالم يندار بيه

مما راق لي

تحيتي .