العراقيين بامريكا

مســـاء/صبـــاح الخيـــر والمحبـــة علجميــع

اليوم حبيت اتطرق على موضوع مهم وهي بعض تصرفات الناس في امريكا...ولكم الحكم والقرار اخواني...

الحالة الاولى... قبل يومين دكت علية الباب (ام عباس) وقالت:.. (شونك وليدي ابن بغداد ان شالله زين ...خالة خالة فدوة العينك اريد ابني تنور مال طين بالحديقة مالتك).

كتلهة خاله هنا الـ (DOG WALKER) اله رخصة ..عاد تنور!!!... ومع هذا إسالي المنظمة وان شالله يقبلون

الحالة الثانية... ابو خضير انسان طيب على نيته ..وبعدة ما متاقلم على الوضع وما متعود على جو امريكا...اول ما وصل ثاني يوم راح مدري منين دبر ديج ...وذبحة اباب الشقة مالتة ...والله شنوو ؟؟؟؟؟ (فجران دم )...وكام لطخ الباب مالتة والحايط مالتة كلة دم مال ديج ...عاد اني كتلة ادري يا عيني ليش ملطخت الكنتور والصالة هم!!!!!... وتعالواااااا شوفوا شصار يبووووووووو... اجت الشرطة والاطفاء والاسعاف هههههههه.. وفرجينيا صار بيهة نفير عام.. والجيران عبالهم كاتل واحد!!!!... ومن اترجملة اني ... يكللهم هاي تقاليدنة وعاداتنة!!... وقالوا له... تقاليدك وعاداتك تطبقها في بلدك يا عزيزي!!!

الحالة الثالثة... كنت صاعد بالباص قبل يومين.. وهنا اي واحد من يريد ينزل ماكو يكلهة (نازل خوية نازل الف رحمة لاهلك... المهـــــم ...اثناء تجوال الباص ..كان اسمع صوت واحد بالباص يصيح( ستـــــــــوب خوية ستــــــــوب هاي وين شمرتنة ؟؟؟؟... والسايق مال باص صار عصبي عليه والا شوية ويرحون للشرطة لوما اني اخلص صاحبنة وشرحتلة الوضع للسايق

الحالة الرابعة... احلى المواقف الي تصير هنا وبالصيف جماعتنا واحنا هم شنو جماعتنا اكو اشجار بالحدائق مال ورق عنب.. طبعا اولهم والدتي يروحون يقطعون منهم على مود يسون دولمة ورى شويه ما تشوف ولا سيارة الشرطة يسالون هاي شدسون هنا وانوب تعالوا فهموهم شنو دولمة كتلة عوفه امي بس هل مرة بعد ما تسويها وتقطع ورق عنب لانه ممنوع يكول الى اريد ارعرف شلون تاكلون هذا الورق زين هذا شلون راح افهمه شكد دافهم بيه هم مفتهم بالاخير اخذت تراب من الارض كتله هذا اعتبره رز احنا نخلي رز بهذا الورق مع اللحم وناكل طبعا هو تخبل كال من هيجي اشوف نسوان بيدهم علاكه نايلون ويقطعون ورق طبعا هو ممنوع بس جماعتنا وامي هم ما يعرفون شنو ممنوع لانه كل ممنوع مرغوب

محبتكم ميوووووووووووووو

الحالة الثانية... ابو خضير انسان طيب على نيته ..وبعدة ما متاقلم على الوضع وما متعود على جو امريكا...اول ما وصل ثاني يوم راح مدري منين دبر ديج ...وذبحة اباب الشقة مالتة ...والله شنوو ؟؟؟؟؟ (فجران دم )...وكام لطخ الباب مالتة والحايط مالتة كلة دم مال ديج ...عاد اني كتلة ادري يا عيني ليش ملطخت الكنتور والصالة هم!!!!!... وتعالواااااا شوفوا شصار يبووووووووو... اجت الشرطة والاطفاء والاسعاف هههههههه.. وفرجينيا صار بيهة نفير عام.. والجيران عبالهم كاتل واحد!!!!... ومن اترجملة اني ... يكللهم هاي تقاليدنة وعاداتنة!!... وقالوا له... تقاليدك وعاداتك تطبقها في بلدك ياعزيزي!!!

ههههههههههههههههههههههههههههههههههه حلوة منج يا احلى ميووووووووووو بل منتدى يسلمو يا بزونتنا