نستورد خام ابيض

الى اعز الاصدقاء
هل نسكت عن الحقوق لانها موضوع الساعه
وهل نسكت عن همومنا لانها حياتنا اليوميه
نسكت لان همومنا تزعج الاخرين
وهل قضيتنا شخصيه ام عامه
لن تسكت الاقلام


نريد نستورد خام ابيض

ماضل جفن بيج ولاخام ابيض يا بغداد
خلصنه كل القماش نعوش
للدفانه ماضل بيج وناس

وشذنبه هذا الشعب
مصايبه اكثر من افراحه وهمومه توجع الراس
هم احتلال وهم موت والشعب كله افلاس
وتكولون العراق بخير
والدنيه امان امناها

لجن اشحده اليزور حضرت العباس
ولجن اشحده عمر يزور ابو حنيفه مثل الناس
وشحده المسيحي يزور الكنائس لو سمع صوت الاجراص
وشحده الصبي يتمم شعائر الغسل بل الماي ويعمذ الاحساس
كل اليروحون مايرجعون
والموت صديق الناس
متكلي يامان هذا ياابن الناس
حته لغت الحواربيناتنه لغت رصاص
ضلينه نضرب اخماس باسداس
الترك العراق بغربته مات
والبقه بل العراق كرامته يوميه تنداس

مصيبه
والفاس وكع بل الراس
متكلي ياامان هذا يابن الناس
خلصنه لعب واجه وكت الجد
يكفي لعب العراق مو طالب مستجد
نخليه وياكم مشعوله على الحد
ولو تصيرون جزره نصيره اله مد
وثار العراق وشعبه تدفعون الثمن انتو بل اليد

المشكله مو بل الثار ولا بلي صار
المشكله ماضل موثقف اله وشعلتوه بنار
وسكنتو العباقره اهل البلاستك وصاروالنه جار
دكايكهم اكلت الاخضر واليابس ودكاتهم عار
والتدعي عليه ادعي يكون الهم جار
تتمنه نار جهنم ولا يكون الك صكار
هذوله يصيرون النه رفاق
قتل وخطف وطائفيه وشقاق
متكلي ياامان هذا ياابن الناس
اذا ماترجع بغداد مثل الاول وكل الناس
اقره السلام ودعناج ياسكينه
واليحبنه خل هوه يجينه
الموت بل الغربه ارحم من الجنه
البيه عدوانه

الكاتب والملحن وسام بجوكا
من سنتياكو

اذا نكتب نكتب معانات العراق
مو جيرانه
واليعتب علينه مو ويانه هذا علينه

الله الله على هل كلمات الحلوه روعه تجنن عاشت ايدك على هل كلمات التي تلمع مثل ذهب تسلم وسام كلك ذوق وفن.

يسلمو انيجل نورتينه
بردودك ومرورك الي يسعدنه ويعطر كل مواضيعنه
ياميت هلا


الف شكر قطر الندى ياميت هلا نورتينه واسعتيني بمرورك

الف شكر لكل الاصدقاء الغالين

تحياتي الكاتب والملحن وسام بجوكا