(برنس) على كرسي الاعتراف

ههههههههه ليش برد خلتا كعدت على كرسي الاعتراف اوكي راح اسئلك انا اول واحد

1_ ليش انت هسه كاعد على كرسي الاعتراف شنو السبب

2_ ليش سجلت بالمنتدى القوش ماثت زونا شفت بالمنتدى

3_ انت هسه عايش بحاله حب وكم علاقة حب بحياتك سويت

4_ شنو رايك بالغربة وشتعني الغربة حياة حلوى او حياة ماساة

5_ جم مره واكع بمشاكل قوية من انولدت ولحد الان ومشاكل بكوة طالع منها

6_ تحب اقربائك ومحبيك هواية لو ضوج منهم مرات

7_ شنو رايك بالقوش شتعنيك القوش

8_ الاكثر الاعضاء من المنتدى منو بيهم تحبه هواية ومنو العضو الي متحبه بالمنتدى

9_ شتتمنى بحياتك ان يصير ومن يصير يتحقق شسوي

10_ واخيرا ضجت من اسئلتي كلها الك الي سالتها لك حبيبي برد خلتا

ههههههه بردخلتا سوري حبيبي على الاسئلة بس غير هاني سواها بس جاوب بصراحة اوكي
ههههههههههههههههههههههههه

يا اهلي واصدقائي ومية هلا ومرحبا باسئلتكم وان شالله اجاوب عليها بكل صراحه وطبعا وجودي كاول عضو على كرسي الاعتراف معناه ثقتكم العاليه بالعضو برنس وبصراحته وان شالله يكون برنس عد حسن ظنكم
وراح ابدي اجاوب اسئلة برد خلتا عزيزا اسير الحب

1_ ليش انت هسه كاعد على كرسي الاعتراف شنو السبب
اني هسه على كرسي الاعتراف لانه الاعضاء اختاروني ويحبون يعرفون اشياء اكثر عن برنس

2_ ليش سجلت بالمنتدى القوش ماثت زونا شفت بالمنتدى
بصراحه اني كرايبي كال هذا المنتدى حلو وبيه هوايه اقسام حلوه رغم بساطته وفعلا من سجلت عجبني المنتدى كلش وبصراحه حسيت المنتدى بيتي الثاني والاعضاء اهلي واصدقائي.

3_ انت هسه عايش بحاله حب وكم علاقة حب بحياتك سويت
نعم اني هسه عايش حالة حب حقيقي واكيد حالي حال اغلب الشباب كان عندي علاقات سابقه بس ما اسميها حب ولهذا اكدر اكول عندي علاقة حب وحده اللي اني هسه عايشها واعتقد راح تكون الاخيره.

4_ شنو رايك بالغربة وشتعني الغربة حياة حلوى او حياة ماساة
شوف حبي الغربه مره اكيد لانه تبتعد عن الاهل او عن الاصدقاء او عن بيتك او منطقتك وهذا هو الشي المؤلم بالغربه بس بنفس الوقت اكو هوايه اشياء حلوه موجوده بحياة المجتمعات الغربيه للاسف ما موجوده بمجتمعنا والمغتربين اللي يقرون كلامي اكيد يعرفون قصدي.

5_ جم مره واكع بمشاكل قوية من انولدت ولحد الان ومشاكل بكوة طالع منها
اوووو هوايه مشاكل بس تقريبا 3 مرات جنت كلش قريب من الموت ويسوع المسيح خلصني والحمدلله والشكر على كل شي.

6_ تحب اقربائك ومحبيك هواية لو ضوج منهم مرات
طبعا احب كل اقربائي واللي يحبني مره احبه 100 مره بس اذا احس الشخص مهما يكون قريب او صديق اذا احسه ما يرتاحلي ما اضوج منه وانما ابتعد عنه وما اختلط بيه قدر الامكان.

7_ شنو رايك بالقوش شتعنيك القوش
القوش هي اصلي وهي اصل ابويه وامي واجدادي وافتخر انه اني ابن القوش يمد مثواثا والي الشرف ان اكون القوشي مع حبي واحترامي لكل القرى والمدن المسيحيه العزيزه علينا.

8_ الاكثر الاعضاء من المنتدى منو بيهم تحبه هواية ومنو العضو الي متحبه بالمنتدى
اكيد كل الاعضاء احبهم وما اكره اي عضو بس بصراحه اكو اعضاء علاقتي بيهم قويه ويعرفون عن برنس اشياء خاصه ما يعرفوها الباقين مثل شمعة المنتدى ونجمه الذهبيه وذئب الاسود وسدير وصياد.

9_ شتتمنى بحياتك ان يصير ومن يصير يتحقق شسوي
صدكني الامنيات هوايه ولو تتحقق ربعها راح اكون بمنتهى السعاده واتمنى انجمع ويه اهلي مره ثانيه ونعيش ونستقر بمكان امن ونشوف ايام حلوه ما بيها كاابه ولا هموم.

10_ واخيرا ضجت من اسئلتي كلها الك الي سالتها لك حبيبي برد خلتا
لا حبيبي برد خلتا شلون اضوج منك بالعكس اسئلتك جانت كلش لطيفه وحلوه مثلك وان شالله اكون جاوبتك بكل صراحه وتحياتي الك.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وهسه اجاوب اسئلة اخويه العزيز صقر العراق

- عرفنه بنفسك بكلمات بسيطه
برنس انسان بسيط وعفوي عصبي لكن رومانسي انسان اجتماعي وصديق للكل احب الخير الي وللجميع.

2- مواليدك..وين ولدته
9_6_1978 _بغداد

3- ليش اختاريت هل الاسم لمن دخلت المنتدى لول ولو انت مغيره هع هع
بالبدايه جان اسمي عراب الحب هههههه بس شفت قسم من الاعضاء يكتبولي بالردود برنس المنتدى فااا عجبني الاسم وصرت برنس.
4- ماذا تعنيلك هل كلمات

شروق الشمس.... امل جديد

غروب الشمس....نهايه يوم بكل ما فيه من افراح واحزان وهموم وكل شيء

البحر....الصيق الوحيد الذي يكتم الاسرار الى الابد

المطر.... خير ونعمه من الله

الغيوم.... كاابه

الحب....شريان الحياة وسبب استمراريتها ولا تنسى ان الله محبه

بغداد.... امي الثانيه واتمنى تستعيد عافيتها

الغربه....اقسى درس من دروس الحياة


5- ايهما اصعب ان تعيش بالغربه وبعيد عن اهلك وطنك

او

ان تكون بالوطن لكن اهلك خارج الوطن وانت بحدك عايش


ما دام بعيد عن اهلي فالحالتين صعبه عليه.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
وهسه اممممممممم اجاوب اسئلة احلى واغلى كزن على قلبي شمعة المنتدى (ندوش)


اولا شكرا كزن عالجاي المهيل تسلميلي والكرسي كلش مريح وتوووووب وهسه اجاوب اسئلتج
واني حاضر لاي سؤال من اي عضو وشكرا على ضيافتكم الحلوه وكلكم ذوق.


-منو الانسان اللي تتمنى تشوفا باقرب فرصة ؟
اتمنى اشوف كل اعضاء المنتدى واكيد كزن انتي اولهم بالاضافه الى شخص ثاني انتي تعرفيه ههههههههههههه.

2- ماذا تحب ان تصبح بالمنتدى مستقبلا؟
ليس المهم ماذا ساكون المهم ان احافظ على المحبه والاحترام المتبادل بيني وبين جميع اعضاء المنتدى.

3-لحظة سعادة في حياتك لن تنساها؟
لحظة تخرجي من الجامعه.

4- ماهو شعورك عندما تنصدم بانسان عزيز عليك؟
اكيد راح يكون شعور مرير بس اني عندي مبدا بالحياه :اللي مايريدني ما اريده.

5-شنو الشي اللي سويتا وتندمت عليه لحد هاي اللحظة
كلت لبنيه جانت تحبني بصدق كلمه احبــــــــــج بس مجان هو احساسي الحقيقي وتندمت هوايه لانه البنيه جانت صادقه ويايه بس الحمدلله تزوجت وراحت بطريقها .

6-شنو تعنيلك هاي الكلمات الكبرياء-الام -الاب-الصديق-الحبيبية

الكبرياء تعنيلي عزة النفس وهي صفه موجوده بشخصيتي بس بشرط ما تتحول الى غرور.

الام هي الحضن الدافي والصدر الحنون وهي الشخص الوحيد اللي تنطي كلشي بدون ما تسال عن المقابل وهي اقدس انسان على وجه الارض.

الاب هو الشخص الوحيد اللي يقدم النصيحه بنيه صافيه وقلب مفتوح وهو سبب من اسباب وجودي بهاي الحياه من بعد رب العالمين وادعي من اللع يحفظ ابويه وامي ويحفظ اهل كل اعضاء المنتدى الغالين يا رب وينطيهم الصحه والعافيه.

الصديق حزام الظهر (نطاق) ههههههه وملجا امين بوكت الشده بشرط ان يكون صديق حقيقي ومثل ما يكولون الصديق وقت الضيق.

الحبيبه هي الميناء الاخير الذي ترسو عليه سفينتي وهي الشخص الذي اقدم له حياتي وقلبي وحبي وثقتي وكل شيء جميل وهي شريكتي بكل شيء في هذه الحياة وحتى الممات.


وشكرا الج كزن على اسئلتج الحلوه والراقيه ومية هلا ومرحبا بيج وتحياتي الج وللعائله الكريمه.

الله يابرد ماثي كبرتا وبرد خلتي عزيزا

شكرا على اجوبتك الصريحة من اسئلتي واسئلة اختي شمعة
وصقر
الله ياملك
انشاءلله دومك مرتاح وسعيد بحياتك والله لايحرمنا منك ومن كلماتك الرائعة

احم احم احمممممم اول شئ مبروك اخوني برنس على الكعده شلونك حبيبي مرتاح خوما دا يضوجوك هناك طرا وصيتهم يجيبولك كلشي تحتاجه جاي كَهوة اكل اي شئ اهمشي تكون مرتاح لبي

اي اخوني مراح اسئل هوايه اسئله لان اعرفك كلش زين لووول بس راح اسئلك هيجي جم سؤال حتى تسجل حضوري

1-منو اكثر واحد من الاعضاء تنجذب الى مواضيعه
2-اذكر موقف مضحك الي صار معك
3-احلى وقت عندك
4-احلى شخصيه الي قابلته بالمنتدى؟
5-حكمتك بالحياة
6-اسواء شئ الي حدث لك وما تريد تكراره
7-ما مواصفات حبيبتك؟؟؟؟
8-جمله تريدي تكولها ويسمعها منك كل العالم؟
9-كلمه شكر المن تريدي تكولها ؟؟؟
10-انت معصب مني لان نزلت هذا القسم؟؟؟ لوول

شكر خاص لكل من قام برد على الموضوع وشكر خااااااص لاحلى برنس على اجوبته على الاسئله صدك انت توووووووووب وجرييئ يوم نشوف البقيه وجراتهم مثل اخوني برنس

تحياتي الكم ولو طولت عليك حبي

هاي يا احلى اعضاء شونكم الف الف الف مبروك احلى برنس على الكرسي طبعن كلش فرحتلك هههههههههه انريد نسمع اعترافاتك الحلوووووووووووة اني مراح اسئل اهواية 1_ شنو رئيك اذا بنية اجتي كلتلك اني احبك 2_ لمن تشتاق المن اكثر شخص تشتاق الا 3_ لو مرة خيروك بين بنت جميلة ورائعة واتحبك وبين بنت انتا اتحبها بس متعرف شنو مشاعرها شنو راح تختار4_ شنو اححلة كلمة بحياتك لمن سمعتها 5_ شنو يعنيلك الحب 6_ اوصفلي برنس الانسان بكلمات قليلة 7_ كلمة اكلتها وتتمنى ادكولها مرة ثانية 8_ شخص تتمنى تلتقي بي 9 ا كم مرة حبيبت 10_ كول كلمة لشخص ينتضر منك ان يسمعها شكرا الك برنس اسفة اسئلتي مصفتتها عدل لانة ماعرف اسفة برنس اذ اي سؤالك يحرجك مو مشكلة لازم اتجاوبا هههههههههههههههه

برنس برنس
عراب الحب
بس راح اسميك اسم ثاني

الجبل بعدين اكولك ليش

برنس انت صديقي واني اعرف عنك وانت تعرف عني لكن
مشاركتي بها الموضوع هيه لتثبيت صداقتي الك
وراح اسالك كم سوال
وانشالله راح تعجبك اسالتي


1........ماهي الفرصه التي يتماناها برنس في حياته
2........ ماهي اهم الفرص التي اضاعها برنس ماضيا
3........حلم من احلام برنس
4........اصب موقف مر به برنس
5........عرف 4 مايلي من وجهة نظر برنس
ا. اني سميتك بالجبل شنو يعنيلك الجبل
ب.الطبيعه
ج. الحياة
د كره القدم
و .........ترك ههههههههه
6........ اوصف برنس كرياضي
7........ هوايه برنس المفضله
8........احلى موقف مضحك في حياه برنس
9....... اغرب موقف في حياه برنس
10.....ترك ههههههههههههه

مبروك عليك كرسي العتراف خوني

لئن انتة تستاهل اكثر من هاذا انتة تستحق اكثر واكثر لئن انتة محبوب ومواضيعك حلوة وكلشي عندك حلو وين خوني وانتة دائمن متالق خوني وراح اهديك كرسي اتمنا ان يعجبك لئن هذا خوش كرسي خوني جبتة الك خاص





1 - احجيلنا عن نفسك وكول بطاقتك الشخصيه

2- ماذا تقول لكل شخص ظلمك ؟
3- ماهية أمنيتكَ في الحياة؟

4- لو خيروك بين كل من....او.... شنو تختار ؟

عقلكَ أو قلبكَ
صديقكَ أو حبيبكَ
البرد أو الحر
الفجر أو الغروب

5 - -/ماهو شعورك وانت على كرسي الاعتراف ؟

6 - عندما تشاهد شخص يفعل معصية ، ما هي ردت فعلك؟

7 - حكمة تتخذهاشعارا لك في الحياة ؟
8 - هل عشت جرح الخيانه ,,واذا كانت نعم كيف تصرفت؟
9- ما رئيك في هذا القسم قسم كرسي العدام قصدي كرسي العتراف ههههههههه
10 - قاعد لوحدك ..وسرحت بتخيلك ..بشو ممكن تسرح..؟


اسف على الاسئلة الطويلة خوني اتمنالك الموفقية

تحياتي الك خوني برنس

وهسه اجا دور اخويه العزيز صياد حتى اجاوب اسئلته منور باسئلتك حبيبي صياد

1........ماهي الفرصه التي يتماناها برنس في حياته
الحصول على الاقامه السويديه حتى اطفر من السويد ههههههههههه

2........ ماهي اهم الفرص التي اضاعها برنس ماضيا
اساسا ما اجتني فرصه ثمينه حتى اضيعها

3........حلم من احلام برنس
يستقر العراق ويرجع مثل الاول بس بدون خوف وبدون حاكم دكتاتوري

4........اصب موقف مر به برنس
هوايه مواقف بس راح اذكرلك من عبرت قجخ من تركيا لليونان سنة 2006 ولزموني بالحدود اليونانيه ومن سجن لسجن الى ان وصلوني لزاخو ههههههههههه

5........عرف 4 مايلي من وجهة نظر برنس
ا. اني سميتك بالجبل شنو يعنيلك الجبل : يعني القوة والثبات
ب.الطبيعه : اجمل شي بالكون اذا خلاها الانسان على حالها
ج. الحياة: هبه من الله لكل انسان
د كره القدم : لعبه تسري في دمي برشلونييييييييييييييييييييييي هههههههههههههه.
و .........ترك ههههههههه
6........ اوصف برنس كرياضي: باختصار احب الرياضه بكل انواعها بس ما امارس غير المشي.
7........ هوايه برنس المفضله :اكيد كرة القدم
8........احلى موقف مضحك في حياه برنس:الجواب تلكاه بالرد مالي على اسئلة الذئب الاسود اعتذر منك صياد ورده
9....... اغرب موقف في حياه برنس: هوايه بس راح اذكرلك واحد وهو من دخلت اسم الله عليكم للثلاجه مال موتى بالعراق ادور على صديقي وهذا الموقف جان كلش غريب عليه وشفت مناظر محد يتخيلها وابد ما انساها.
10.....ترك ههههههههههههه

حبيبي صياد شكرا الك على اسئلتك الحلوه وشكرا على روحك الرياضيه لانه خليتلي ترك بالاسئله هههههههههههههههههههه تسلم اخوني

وهسه اجا دور اخوني قاهر الحب حتى اجاوب اسئلته يا اللــــــــــــــــــــــــــــــه


1 - احجيلنا عن نفسك وكول بطاقتك الشخصيه
سؤال مكرر اعتذر منك

2- ماذا تقول لكل شخص ظلمك ؟
ما مريت بهيجي موقف بس لذل شخص ظلمني اكوله اذا دعتكَ قدرتكَ على ظلم الناس فتذكرْ قدرة الله عليكْ

3- ماهية أمنيتكَ في الحياة؟
سؤال مكرر اعتذر منك

4- لو خيروك بين كل من....او.... شنو تختار ؟

عقلكَ أو قلبكَ
اذا مظطر اختار بس واحد راح اختار العقل

صديقكَ أو حبيبكَ
الصديق ممكن يتعوض بس الحبيب صعب فاذن اختار الحبيب

البرد أو الحر
اختار البرد لان بيه رومانسيه اكثر هههههههه

الفجر أو الغروب
الفجر

5 - -/ماهو شعورك وانت على كرسي الاعتراف ؟
مرتاح ومتختخ وعاشت ايدك على كرسي الاعدام اقصد كرسي الاعتراف ههههههههههههه

6 - عندما تشاهد شخص يفعل معصية ، ما هي ردت فعلك؟
اكيد راح اضوج واحاول اغير هذا الشخص عن طريق النصيحه بس ما اتفلسف براسه لانه البشر بطبعه خطاء وممكن بيوم من الايام اكون بمكان هذا الشخص والله يبعدنا ويبعدكم عن المعصيه.

7 - حكمة تتخذهاشعارا لك في الحياة ؟
لا تكن ليناً فتعصر ولا تكن قلسياً فتُكسر

8 - هل عشت جرح الخيانه ,,واذا كانت نعم كيف تصرفت
؟ الحمدااه ما عايش هاي الحاله وما اتمنى اعيشها

9- ما رئيك في هذا القسم قسم كرسي العدام قصدي كرسي العتراف ههههههههه
عاشت الايادي قسم حلوووووو وشكو شغلات مضمومه يطلعها هذا القسم ههههههههه

10 - قاعد لوحدك ..وسرحت بتخيلك ..بشو ممكن تسرح..؟

هوايه امور ممكن اسرح بيها اسرح باهلي وممكن بحبيبتي وممكن ببلدي وغيرها وغيرها

تسسلم اخوني قاهر وشكرا على اسئلتك المميزه وشكرا على الكرسي اخوني هذا الكرسي كلش مريح ورا ما اخلص اعتراف راح اخذ الكرسي ويايه هههههههههههههههه.

هااااااااي خوني برنسسسسسسس شلونك انشالله بخيرر يارب

جبتلك شويه عصير لان الاعضاء ما خلو نفس بيك هههههههه


وشويه بقلاوووووووه
حلي حلكك بيهم




اكيد الاعضاء يحبون يتعرفون عليك اكثر واكثر
لان شخصيتك من ارزن واجمل شخصيات
واني اول معجبين بشخصيتك خوني
اني مراح اسئلك شي
بس حبيت اكولك
انت انسان رائع و اتمنى يارب تلتقي بحبيبه قلبك و تدخل عش الزوجيه واني قريبه مالتك هههههههه
و انشالله تلتقي باهلك و ماتعيش الغربه ابدا
وحبيت اقدملك باقه ورد
اتقبلها من اختك


اتمنالك حياه سعيده وهانئه ياربي

اطلع شم هوا خوني ترة مراح يخلون بيك نفس ههههههههههه

تقبل مروري احلى برنس

احم احم انتي فايروس وصل
اولا اهني اخوني برنس بمناسبة جلوسة على كرسي الاعتراف
واهنيه على اجوبتة الصريحة ولو اني ممتفاجىء بيها لان اتعودت على صراحتة بالاسئلة والاجوبة
وهسة جبتلك هاية الكرسي اتمنى ان ايعجبك



وهسة بعد ما كًعدت وارتاحيت
خليني اسويلك بيك صغيروني نتمزمز بيه اني وانت شوف ماركة المشروب شنو



وهسة بصحتك لبي جيرووووووووووو



وهسة خلينا نبدي بالاسئلة؟؟؟؟؟؟
ولو ماشالله خنواثي خثواثي الي قبلي مبقو شي
بس الي اجىعلى بالي راح اسئلة الك..........

1_ لِمـَن تعطي هذه الآلقـــــاب ؟؟
القلم آلذهبـىٍ ..
العضو المميز ..
العضو الغامض ..
العضو المشاكس ..
عضو طيب ..
عضو دمه خفبف ..
عضو ذوق ..
عضو تحب ردوده ..
عضو رزين ..
عضو تتمنى تشوفه ..
عضو اول ما عرفته ما كنتا تطيقه والحين تحبه ..
اول عضو ارتحت له ..
عضو مرح وونيس ..
عضو قدوة لك ..
عضو ساعدك في ظروف صعبة مريت بها ..
ــــــــــــــــــــــــــــــــــــــــــــــــــ
2_أعطي من هذه الورود لمن يستحق من الاعضاء

ورده حمراء
ورده بيضاء
ورده صفراء
ورده ورديه
ورده بنفسجيه
ورده برتقاليه
ـــــــــــــــــــــــــــــــــــــــــــــــــــــ
3_لو كــآنت حيـــآتك قصة مآذا تريد أن تسميها !
ـــــــــــــــــــــــــــــــــــــــــــــــــــــــ
4_عندما تشعر بالملل فإلى أي اتجاه تتجه !
ــــــــــــــــــــــــــــــــــــــــــــــــــــ
5_للدموع الكثير من الاسرار واكثرنا تجيه اوقات عصيبه
يشعر بحاجه شديده للبكى ..
هل بكيت يوماً بحرقه وامام من تفضل البكى ..
وماهي الاسباب التي تدعوووك للبكى ..
ــــــــــــــــــــــــــــــــــــــــــــــــــــ
6_مامعنى هذه العباره برأيك ..
.. عيش حياتك لا تترك حياتك تعيشك ..
ــــــــــــــــــــــــــــــــــــــــــــــــــــ
7_شنو رايك بالاشخاص اللي اهم شي عندهم
الحقيقه حتى لو كانت جارحه؟
ـــــــــــــــــــــــــــــــــــــــــــــــــــــ
8_هل شخصيتك اللي تتخذهـا بالمنتدى أهي نفسها اللي تتعامل فيها خارج المنتدى ؟؟
ــــــــــــــــــــــــــــــــــــــــــــــــــــــ
9_لو كانت السلطة بيدك وانت موجود بالعراق لمدة يوم واحد شراح تفكر تسوي
ــــــــــــــــــــــــــــــــــــــــــــــــــــ
10_سأفتح لــــكـ المجال لتوجه 5 رسائل عبر هذا الكرسي لأعضاء أو مشرفين في المنتدى
فلمن ستوجههـــــا ؟؟ وماهي؟
ـــــــــــــــــــــــــــــــــــــــــــــــــــــ
وهسة خلصت اسئلتي واتنمى ان لا اتكون مكررة ولا ازعجبتك بيها لبي برنس
واوجه تحية خاصة لاخوني هاني
لفتحه هذا القسم المميز اكيد
وتحية لكل عضو ومشرف شارك بهذا الموضوع
تقبلي مروري
انتي فايروس

هاي برنس اهنيك على جلوسك لكرسي الاعتراف

..............................................................
1-صف نفسك وب3كلمات فقط..؟

2-لو اتيحت لك فرصة ان تجلس مع شخص لمدة 5دقايق تحبة ومشتاقلة فماذا ستقول لة..؟

3-لوقدر لك ان تختارمقابلة عضو واحد بالمنتدى فمن ستختار..؟ ولــمـــــــــاذا..؟

4-لو كالولك اهدي يوم من عمرك لشخص لمن راح تهدي.؟

5-اختار عضو واحد وكول شنو رأيك بيه بصراحة.؟
...........................................................................
أتمنى ان تكون الاسئلة خفيفة عليك
تـــــــحــــــــيـــــــاتــــــــي ألـــــــــــــــك

عاشت ايدك برنس على الصراحتك الرائعة طبعن كلش ححلوة اجوبتك يارب تفرج عليك وتتحقق كلشي بالك يارب اتمنى الك كل الخير واسفة على اسئلتي هواية جانت بس خوما محرجة ابد ههههههههههه عاشو احلى برنس اني اعرف انتا تعبت من الاجوبة سويتلك دولمة حتى تاكل اشويا اشلون دولمة اتخبل اويلي وحارة اتخبل سويتها بيدي ههههههههههه الصورة

برنس حبيبي اذا تريد مساعدة اساعدك لان بعد ماعدك اي اجوبة جاوبه كلها خلصت
خطيه برنس علكيفكم وياه يمعود وا برد خلتا زلوخ كاوح هااااااااااااا
ههههههههههههههههههههههههههههههههههههههههههههههههههههههه

الله الله يابرد خلتا العزيز وعلى كلماتك الجميلة والمؤثرة بصراحة اشكرك من كل قلبي
حبيبي سلار لمعنوياتك العالية وحبك اتجاهنا واتجاه المنتدى واشكرك على ال وسميتني بالعضو المرح وونيس اشكرك ربي الله لايحرمنا منك لبي وبصراحة حيل فرحت بيك بكلامك واجوبتك الصريحة وحيل قربتني منك اكثر لان حسيت بداخلي انت اخ عزيز ونفس الوقت سديت فد فراغ بقلبي وانا بالغربة اتحسر للوطن اشكرك لبي برد خلتا يابرد ماثي القوش
واشكر هاني المبدع على الموضوع الجميل الي يخلينا اكثر عائلة واقرب عائلة ولقد زرعت الحب الابدي بيننا وبالمنتدى يابرد خال هاني تقبلو مروري
تحياتي

اسير الحب