أشلون نفوز على البرازيل طريقة توب وعراقية%100

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة] أشلون نفوز على البرازيل طريقة توب وعراقية%100 [ندعوك للتسجيل في المنتدى أو التعريف بنفسك لمعاينة هذه الصورة]
سلامن عليكم شونها الحشاشة؟ اليوم جنت كاعد و ضايج و دا افحّط من الحر و امشغل المهفة عال 2 (لأن اذا اكثر الجوزة تطفر) و العرك يتساقط زخات ,,,زخات على كولة عمتنا ماجدة الرومي كلت خلي اشوفن شون منتخبنا الوطني ممكن يفوز عال برازيل كلت بسيطة (بسيطة لو محيط) تعالو فوشو( اكو ناس تكتبها غلط شوفو) هاي التوجيهات و الخطط الجهنمية اللي اتخلي المنتخب ايفوز عال برازيل عشرمية- صفر:-
اولا: ابعاد الخصوم عن المباراة :
ننطي لفات فلافل متروسة عمبة (عمبة لو خالة) مع مخصصات طرشي معتق صارلة 233 سنة لازك بالبرميل مع حوافز تشجيعية و تتضمن صمونة حجرية تفشخ قادرة على فشخ اكبر صماخ و قطع فلافل مجوقلة ذات طاقة حمصية 1200 واط (لفة الصدمة و الرعب خخخ) للاعبين المدرجة أسماؤهم ادناه:-
أ- رونالدينهو : راح يصير عندة تفحّط بكريات الدم الخضر و أمساك بالحوض و راح يصير عندة تقيؤ و يكوم ايذب شلغم من راسة و تبرجق بالعصب السمعي و انبعاج اب جعب رجلة اليمنة و احتمال خالتة تتوفة و امساك بالرئة ف مراح يكدر يلعب(خلصنا من واحد)
ب- كاكا: راح يصير عندة لين عظام و كساح بجواريبه و سرطان فجائي بالبنكرياس(بنكرياس خضر خخخخ)
و تذبذب اب عمل المصران الاعور و تمزق بالفانيلة و أسهال بالبنطرون و استكماتزم اب عظم العصعص ف هم راح يكظيها عال مصطبة(خلصنا منة)
ج-روبرتو كارلوس :راح يموت راسا و احتمال اتصير حواسم على بوتينة و تيشرتة (يلله شعلينا احنا هسة قابل من عشيرتنا هوة؟؟)
ثانيا : مهمة الدفاع :
راح تكون مهمة الدفاع انه ايسد منطقة ال18 ب تايرات و شحاطات قديمة و جليكانات امزرفة عتيكة ام ال 20 و ايسوون سيطرة مال لواعيب وطنية بنص الملعب اذا من الفريق العراقي يفوت اذا برازيلي (برازيلي لو تويوتا؟؟) لا والله ارجعة و مهمة الوسط انه بس يشوف لاعب برازيلي يتقدم أيأشر اب ايدة ايكلله( مواجهة ارجع ارجع ارجع مسدوووووود مواجهة) اطلع عال خدمي و نفضل أن تكون وقت الباراة اب شهر تموز او آب لييييييييييش؟؟؟ لأن اللاعب (البرازيلي) يحمة بساع ف مراح يكدر يلعب مظبوط
ثالثا : الكوالة أو مثل ما انكول بالجلفي \ المرمى \ :
1-ينشال الكول مالتنا و انخلي بدالة قنفة او جرباية أو مرجوحة و بما انه الطوبة اذا دخلت بالقنفة ما راح ينحسب كول(السبب قانون دولي من سنة 1911 طلع قبل قانون نيوتن ب 3 ايام و اللي اصدرة رئيس منظفة الفيفا مستر كريكر) ف مراح يكدرون ايكولون و راح يضل اللاعب البرازيلي يفتر بالطوبة مثل الخبل الاكرع حاير ما يعرف وين اوديها و كولجينا راح يكون كلش مرتاح لهذا راح يسحب واير من مولد و يكعد بكولة مرتاح امشغل بنكة و خلاط نفطي و نركيلة ام التفاحتين و اخر مزاج او خطة لخ انخلي باب حديد جبيرة و نكتب عال كول مالتنا بالطباشير (سكن عوائل) راح يجي اللاعب البرازيلي هم حاير شيسوي؟؟ ايدك الباب حتة ايكول هم راح تنلاص عليه هع هع او نشيل الكول مالتنا و نخلي بدالة كشك لبيع جامات لالات او اي شي
2- بألنسبة للبرازيل ينشال كول البرازيل و انخلي اببدالة قوس النصر اللي بساحة الاحتفالات اذا الطوبة فاتت اب داخلة نحسبه هدف و اذا برة نحسبة فاول النا و ناخذ ضربة جزاء و انكوّل
3-كلساع واحد ايدز للكولجي تهديد: أسمع لك خلال 3 دقايق اتصفي و تسافر ال غير ملعب ترة نتويك نتويك لو مدري شسوي راح يخاف و يعوف اللعبة و يسافر ال سوريا
رابعا : الحكام :
1- نشترط عال حكم نلعب اب 47 لاعب و اذا صار تبديل اللي يطلع يرجع يدخل (دائما دائما قبل اللعبات احد من كرايب الحكام يموت ما اتشوفوهم 24 ساعة يلبسون اسود؟؟)
2- نتفق وية مراقب الخط نشوفلة شغلة اب بانزين خانة(بوزرجي يطلعلة باليوم ورقتين او اكثر ) حتة ايسهلنا امر اثناء اللعبة
3- الحكم الرابع انخلي جوة الكرسي مالته عبوة ناسفة و انطيرة بحيث راح يكلي نفسة كاعد عال كشافات مال ملعب
4- نتفق وية الحكم اذا طلع بطاقة صفرة يعني اتحضر للسير و اذا بطاقة حمرة معناها توقف و انتظر و بهال حالة راح نخلص من الطرد و الانذار اما بالنسبة للبرازيليين ف البطاقة الصفرة معناها اطلع برة و الحمرة معناها ابوك انعلس عوف اللعبة و روح شوف شنو السالفة
خامسا : اجراءات احتياطية :
1- شيل وياك خاشوكة حتة اتحرك اللعب
2- شيل وياك هيتر حتة اتسوي أحماء (أحماء وحشي)
2- من الافضل انه يكون وية الدفاع مال المنتخب الداخلية و التعليم العالي
4-يفضل ان يكون(الحارس ) مالتنا سبع و شايل سلاح (مصيادة دمدم حتى لا ينباك الكول
5- يفضل ان تكون شباكنا نظيفة بعد المبارات( حتة بالشباك انصيد سمج ورة ما انخلص)
6- يفضل ان تكون الكرة من ام ال 7500 اللي تنباع اب باب الشرجي حتة البرازيليين يرتبكون و يكومون ايمسلتون باللعب

و هسة اريد اشوف احد عندة افكار و مقترحات اتخلينا انفوز عالبرازيل غير هاية

[ندعوك للتسجيل في المنتدى أو التعريف بنفسك لمعاينة هذه الصورة]

والكم مني
احلى
تحية

[ندعوك للتسجيل في المنتدى أو التعريف بنفسك لمعاينة هذه الصورة]

عاشت ايدك اخ انتي فايروس على الموضوع
انت كفيت وفيت ليش اكو غير مقترحات
تحياتي
هيلينا

هههههههههههههههههه
مرسي

اخت هيلينا ابهرتي الموضوع جمالا بزيارتج وبردج الحلو
واني كًلت بلكت ها اكو فرد طريقة لاخ انضيفها ع الخطط هاية
خخخخخخخخخخخخخخخخخخخخخخخخخخخخخ
[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههههههههه تسلم يا انتي فايروس يا عسللللللل
بهاي الخطط الجهنميه نكدر نغلب كل 5 فرق سوى يعني احنا ننزل 11 لاعب وهمه ينزلون 55 وهم نغلبهم هههههههههه تعيييش ليوث الورد

ههههههههههههههههههههههههههههههه
بهاية صدكًت والله برنسو
وتسم ياغالي
اسعدتني بزيارتك وبردك الحلو مثلك
[ندعوك للتسجيل في المنتدى أو التعريف بنفسك لمعاينة هذه الصورة]

» مهرجان الطين في البرازيل
» البرازيل في اختبار صعب أمام الباراغواي
» على عناد الميحبون البرازيل اولا بالذهبيه

إرسال الصورة

أشلون نفوز على البرازيل طريقة توب وعراقية%100