فيكات الشباب قبل دخول الكليه

الشباب
بعد الانتهاء من الامتحانات النهائيه للصف السادس علمي وقبل توزيع النتائج يكون فلم رعب عن الطالب (( مشوش ميعرف شيسوي بس ايفكر بالنتيجه ))
يوم توزيع النتائج يذهب الشاب الى المدرسه علمود يستلم الشهاده وعند وصوله الى المدرسه ايشوف كثير من الطلبه على وجوهم البسمه وطلبه اكثر على وجوهم الحزن والالم ( الالم لو مقطاطه )) ويدخل الى الاداره حيث المعاون شؤون الطلبه
الطالب : السلام عليكم استاذ بس اريد استلم الشهاده مالتي
المعاون : روح اطلع بره خل اكمل ريوكي واصيحلك (( زوجة المعاون اتبخ نوم ورجلها يتريك بالمدرسه لفة فلافل ))
المعاون : تعال وينك
الطالب : نعم استاذ
المعاون : تعال طلعت ناجح ومعدلك (( 65 )) (( للاسباب امنيه لم يذكر اسم الطالب ولا اسم المعاون انخاف من العلس ))
الطالب : الحمدلله استاذ والله الليل ما انام بس كضيتها قرايه حتى بالاربعين يوم زينت حواجبي علمود ما اطلع بس اقره (( الله ايخلي البراشيم والغش ))
المعاون : عفيه ابني يله وين الاكراميه
الطالب : استاذ هسه مشايل بس 5000 الف دينار اروح للبيت وارجع وتدلل
المعاون : روح جيب فلوس وتعال واني كاعد لحد ساعه 6 مساء
الطالب : اوكي (( ابو درب هذا المعاون ميتقفص منه ))
رجع الطالب يركض للبيت عبالك مخبل وصل راس شارعهم يصيح (( يمه يمه طلعت ناجح ))
اخذ الطالب مبلغ ما يقارب 15000 دينار ورجع للمدرسه
المعاون : ها جبت الاكراميه
الطالب : اي استاذ اتفضل
المعاون : دروح جيبلي باكيت جكاير فايسروي
الطالب : تدلل استاذ (( خرب بليسك هو يطيني الشهاده مو صمط جدي ))
جاب الطالب الجكاير للاستاذ ورجع للبيت ركض وصل للبيت وامه كامت اتهلهل والجوارين يباركوله
والطالب راسا راح نام لان تعرفون خطيه مكضيها قرايه والليل كله سهران وكعد الطالب ثاني يوم
طبعا الطالب راح ايكوم يهتم بنفسه اكثر من قبل ويغسل كل ساعتين علمود الكليه
وقبل الكليه بااسبوعين اتشوفون طلاب الكليه بهاي المكانات علمود يشترون هدوم ويحضرون للكليه ..
المجموعة(مجمع ستار اكاديمي) الزهور(محلات برونتو وماركو) الدواسة(عمارة القدس) حيث يقوم الطالب بشراء ملابس الكليه وهيه (( 4 بنطرونات قماش كصه عدله + 6 قمصان اللوان مختلفه + حذائان ابو البوز (( المصباح السحري))
(مال علي بابا)
ويقوم ايضا ببمارسة اللعبه الرياضيه المشهوره كمال الاجسام (( الحديد )) يقوم بالتمرين في القاعه وياخذ حبوب المقويه والمشهيه والنافخه للعضلات (( داينبل )) علمود ايفيك كدام البنات ويكضي الاسبوع الاول بالكليه مقلص نفسه ....... هاي اكثر الاحداث الذي يقوم بها الشباب قبل دخولهم للكليه
شكد يتفيكون لخاطر الله هع هع هع

--------------------------
تــحــيــااتــي

ههههههههههه

عاشت يدج ريتا على الموضوع الحلو منج

اكيد كلامج صحيح هيج جان يصير بيهم خطية

بس لا تنسين حالكم انتو البنات شجان يصير بحالكم ترى اشاقة وادافع على الشباب اني

عاشت الايادي ريتا على الموضوع الحلو منج

تقبل مروري البسيط

ههههههههههههههه اكيد اخ قاهر
شكرا للمرور نورت

هع هع هع حلوة هاية وتمام وصحوح كمج هيجي جان موقفهم بالضبط ههههههههههههههههههههههههه
وحلوة منج خاثي ريتا

[ندعوك للتسجيل في المنتدى أو التعريف بنفسك لمعاينة هذه الصورة]

تسلم ليث على مرورك نورت الموضوع

ههههههههههههههههههههههههههههه حمدلله وشكر ما وصلت للكليه نشكر ربنا لوووووول موضوع ما يشملني

عاشت ايدج اخت ريتا على الموضوع حلوو اكيد اهل الكليه هيجي يسون والبنات هم هيجي مو بس ولد هاا [ندعوك للتسجيل في المنتدى أو التعريف بنفسك لمعاينة هذه الصورة]

» قوانين طريفة ارجو دخول
» اشارات دخول التواليت
» الى المشرفين الاعزاء رجاء دخول

إرسال الصورة

فيكات الشباب قبل دخول الكليه