يااعزائي واحبائي
من معانات اصبحت حياتنا اليوميه
كيف تمر الايام والبعد عن العراق وهو ينزف
ومن يطفي حريقه الملتهب
بغداد
مابيه اطيح واتعثر
انه مابيه اطيح على الضهر اكثر
انه من حملي مليت وضهري انكسر
كل اعضاي تولولن والونه يوميه تصير اكثر
لجماتي ونين النوح
لجماتي من يوم الولاده اجروح
جرحني الغرب بتراب الصحاري اغبر
لا مر عليه المحب وشافني وسير
ولاذكر اسمك يل العراق وعودي خضر
ناديتك وبس اني ادور وافتر
انشد عله الحبوك بلجن وياهم اكعد واسهر
غربتي ضاكت عليه واسهر
من كثر ماسهران والتعب ياخذني
اشوف الدنيه شكد ماتكبر اشوفه اصغر
ضاكت من سماي عبرات غيمنك تمطر
واخذ ضلوعي جسور امده لك معبر
عراق ومحبتك
اكثر من الكاس من اسمعه اسكر
ياحيف اخذوك الاجناب
والروح اسيره بزنزانتك والمحجر
اتجرعه من حبك المر
اشوفك كدام اعيوني تتلاشه
ربيعك صار خريف وجان اخضر
اشوفك مكبل بل الطيف والحقيقه واصبر
لجماتك جوت حته المايعرفوك
وانت اهلك منك تبرو
اصبر وانه جرحك لازم اداويه
اصبر وانه وياي اهوايه زلم مقامك تحميه
شرد اكولك ........
شجره انت والغصن يحميك
شرد انشدك وانت جروحك
تنزف محد يداويك
باعوك بارخص ثمن
ولو حطو بيمزانك عدل
ماتلكه منهم شريف بمجياله يوازيك
تحب كل الناس نعم انت العراق
بس ياحيف محد شعر بيك
ادري بحبك العذري ياذيك
واصبر وجرح النزف اضماده
تصير اعيوني الك توجيك
وضلعي النكسر على الكسر نمشي ونجيك
واذا ضاك الالم اكصه واصير ابتر
ولمحبتك ماتغله اعضاي اواسيك
انت الوطن ياعراق
ولو خرس كل السان
الساني يبقه يدعي بيك
الكاتب والملحن
وسام بجوكا من سنتياكو
خل نكتب ومايسمعونه
خل نكتب ومايواسونه
نكتب بدون ثمن نكتب
مانكتب عبارات مابيه مثاليات
الإثنين فبراير 13, 2023 6:46 pm من طرف 
كلمات تجنن روعه تسلم عاشت ايدك 
مشتاقه البغداد الحبيبه اتمنى ترجع مثل قبل
