لو منحت 60 دقيقة

شلونكم يا احلى اعضاء الورود

لومنحت60 دقيقة لتعود بها الى الماضي ، أين ستذهب بها ؟؟؟
هذا سؤال طالما تهربنا من اجابته ، ونكون احيانا مجبرين على استعادة
الماضي لحظة بلحظة ، ونقلب أوراقه بتمعن مميت ، ونعيد رسم الوجوه القديمه ، وجوه ملت
الحياة برونق الأحساس ..............
لكن !!!
الحيرة تسطير علينا حينها ، فلا نستطيع التفكير ، ونبدأ

بالانسحاب بهدوء ، لنكن ضعفاء أمام الذكريات
: السؤال :
لومنحت 60 دقيقة لتعود بها الى الماضي ، أين ستذهب ؟؟؟

أيام / لحظات مرت بك وتريد أن تعيشها مرة اخرى ؟؟؟

من تختار الناس كي تقضيها معه ؟؟؟

وماذا تختار له أرق العبارات وأبسطها ؟؟؟

تحياتي لكم جميعا قاهر الحب

لومنحت 60 دقيقة لتعود بها الى الماضي ، أين ستذهب ؟؟؟
اروح على ايطاليا لانة امنيتي اشوف ايطاليا
أيام / لحظات مرت بك وتريد أن تعيشها مرة اخرى ؟؟؟
لحضة لقائي باخويا هي احلى لحضة عشتها بحياتي لانة بعد غياب 12 سنة التقيت بي مجدد فاشي كلش حلوووووو
من تختار الناس كي تقضيها معه ؟؟؟
اخذ والدتي الغالية على كلبي
وماذا تختار له أرق العبارات وأبسطها اكوللها ربلي يخليج اليا ومن عمري على عمرج ماما عاشت الايادي على الموضوع الحلووووووووووووو تسلم قاهر مواضيعك امنورة المنتدى

نورتي موضوعي بمرورج نجة

عطرتي الموضوع بمرورج الحلو وكلامج الجميل منج

حليتي الموضوع بطلتج نجمة

تحياتي الج

زائر

لو ارجع للماضي ساعه فا راح اختار ان ارجع لدورررره حي الاثورييييييين بيوم راس سنه 2002
لان جانت من احلى لحظااااااااااات عشتها اروع مما تتصور و اكظيها ويه جيراني و اهلي وكرايبي لان بوكتها خلينا مسجلات بشارع و كول الجيران كامو يركصون ويحتفلون بره و ما جان عدنا لا هم ولا غم اتمنى لو اعيشها ذيج لحظه مره لوخ بس ما اعتقد راح ترجع لا ناسها مثل قبل ولا المنطقه و لا الفرحه
لان اكلنا ضيم وقهر اللي خلانا نتغير و ننسى معنى الفرح

يسلموووو خوني قاهر الحب موضوع روعه منك
وانت يا لحظه راح تختار حتى تعيشها من جديد؟

موضوع غايه الروعه

نورتي اميرة موضوعي بمرورج الحلو منج

عطرتي الموضوع بردج الحلو مرسي

الج

تحياتي الج

لومنحت 60 دقيقة لتعود بها الى الماضي ، أين ستذهب ؟؟؟
واللله ب هاي ال 60 دقيقة اروح اشوف بيتنا ب بغداد و اروح اشوف مدرستي و جامعتي و اشوف صديقاتي و جيراني و يا ريت تكون اكثر من 60 دقيقة حتى اروح اشوف القوش حبيبتي ماثي..والله موضوع حزين..ليش هيج قاهر قهرتني ..ليش بس 60 دقيقة ما تكفي هههه
بس مراح يكون عندي كلمات لان دموعي راح تكفي......تسلم موضوع مميز و رائع مع انو نزل دموعنا بس ولا يهمك

لومنحت 60 دقيقة لتعود بها الى الماضي ، أين ستذهب ؟؟؟
اعود بيها الى وقت لمن جان ويانا اخوية الجبير الله يرحمة الغالي على كًلبي وما انساه لان يستحق ان اعودلة واعيش وياه هاية ال60 دقيقة لو حتى يكًلولي اتموت من بعدها اقبل
أيام / لحظات مرت بك وتريد أن تعيشها مرة اخرى ؟؟؟
بصراحة هية مو ايام وانما احلى 4 سنوات بحياتي وهية لمن عشت ابغداد وبالدورة تحديدا ياالله شكًد مشتاق لهذيج الايام اوف اوف
من تختار الناس كي تقضيها معه ؟؟؟
اختار والدي الله يرحمة لاني انحرمت منة واني عمري 5 سنوات ومشبعت من شوفتة
وماذا تختار له أرق العبارات وأبسطها ؟؟؟
ارق الكلمات اكَولها لوالدتي العزيزة على كًلبي واكًللها احبج موت وافديج ابروحي وما اعوفج لو اشما ايصير وميفرقني عنج غير بس الموت

واحييك اخوني قاهر الحب على موضوعك المميز كلش
ولو بصراحة بجيتني من جنت اجاوب على اسئلتك
اوف منك اوف

كل الهلا بشمعة المنتدى يسعدني ان ارى ردودك على مواضيعي

مرسي

الج نورت وعطرتي الموضوع بمرورج الحلو

واني اسف لئن خليت ادموعج تنزل هذا موضوع عندي عادي بصراحة

وراح اكلج القادم اجمل واقوة

تحياتي الج نورتي الموضوع بمرورج

anty.viros

نورت موضوعي بمرورك خوني والله يرحمهم اخوية

عطرت موضوعي بمرورك الحلو خوني اتمنا ان ارى ردودك على مواضيعي

اني اسف خوني على دموعك شسوي هذا الموضوع هيج

تحياتي الك واكلك القادم اجمل واقوة

[size=18]

لومنحت 60 دقيقة لتعود بها الى الماضي ، أين ستذهب ؟؟؟

الى بغداد الحبيبه اروح بالمشتل وبلديات اوووووووووووف وكرايبنا اهناك جانو يعني من صدك تصير احلا 60 دقيقه يمي

أيام / لحظات مرت بك وتريد أن تعيشها مرة اخرى ؟؟؟

ويه اصدقائي واثربائي اكو منهم من طلع خارج العراق ومن اختطف وفقد واكو منهم ماعندي اي خبر عنهم وينهم وشنو صار بيهم

من تختار الناس كي تقضيها معه ؟؟
ابن خالي وابن خالي الثاني هههه جنه احلا كرايب لو منحت 60 دقيقة Icon_sad

وماذا تختار له أرق العبارات وأبسطها ؟؟؟

هذه الكلمات اهديها للكل الي احبهم واعرفهم ان

مهما طال الفراق زاد الاشتياق

احبكم كايز

وانشاء الله نتشاوف مره ثانيه وترجع لمتنا

يسلمووووووووووو قاهر حبي موضوع في قمه الرووووووئعه يغالي

ذكرتني بشغلات مااعتقد بعد ترجع

تحيتيــــــــ

تسلم اخى قاهر على هالموضوع الرائع

لومنحت 60 دقيقة لتعود بها الى الماضي ، أين ستذهب ؟؟؟

ارجع بيها الى جدى حبيبى الغالى على قلبى واكون وياة اخدمة بعيونى وما بتركة لحظة من هاى الساعة بس هاد مستحيل ياللة قد ايش بتمنى هالشئ بس اللى بيموت مابيرجع تانى

IRAQI HAWK

نورت موضوعي خوني عراقي بمرورك الحلو

يسعدني اشوف ردودك على مواضيعي ........ تحياتي الك

هلا فيكي رباب نورتي الموضوع بطلتك الحلوة عطرتي موضوعي واتمنا ان ارى ردودج على مواضيع

تحياتي الك

:القادم:

» غمض اعيونك دقيقة
» لومنحت 60 دقيقة لتعود بها الى الماضي ماذا ستفعل
» فتى يعود للحياة بعد 15 دقيقة من توقف قلبه - عجائب

إرسال الصورة

لو منحت 60 دقيقة