عزف الدموع

تكول افرح كيف افرح وانا متعلم الدمعـــــــه

زمان الفرح جفيته ومايوم الفــــــــرح شفتـــه

تكول اضحك وانا مجروح وماظل للفرح رجعه

حزن واحزان ياولفي وقلبي على الحزن علمــته

وينك اسمع شكاوي قلبي محـــــترق نـبعـــــــه

اكولك اسمعني تراك القــــلب جننــــــــــــــتــــه

حلو ياناس ياوصافه وبجماله وكـــــل طبــعـــه

لكن شاء القدر نتفارق واخر كـــــــلمه كلمتــــه

الحزن عنواني ودنيتي ودرب الفـــرح ودعـــته

كالوا عني كأيب وممل وتــــــرك ربعـــــــــــــه

كالوا الناس ليه الحزن وقلت خـــــــلوها سـكـــته

ضاعت افكاري وبعد مامييز الخمس والجمـــــعه

واليوم والشهر والسنه ماعرفت شنو هو وقــــته

وتيهت الارقام ومااعرف الواحد مــن السبعــــــه

واذا يوم الحزن زعلان انا متعني صالحتـــــــــه

تكول اضحك وانا مجروح وماظل للفرح رجعه

حزن واحزان ياولفي وقلبي على الحزن علمــته

وينك اسمع شكاوي قلبي محـــــترق نـبعـــــــه

اكولك اسمعني تراك القــــلب جننــــــــــــــتــــه


عاشت يدج على الشعر الحلو دائمن متالقة باشعارج وبمواضيعج

كلش حلو الشعر

تقبلي اول من مرة على اشعارك

امنور يا احلى قاهر دائم منور مواضيعي شكرا الك يا ورد