عندما تنهي علاقة حب

هاااي شباب بنات شلونكم اتمنا ان تكونو بخير

عندمـا تنتهـي علاقـة الحـب

هـل تمـوت الغيرهـ .... ؟؟

بمعنــى

اذا تـم الفـراق بينك وبين من تحب رغـم ارادتكـم

هـل هـذا يمنعـك من ان تشتـاق اليـه.....؟؟

ان تخشى ان يكون قد نسيك،،او استبدلك بحبيب اخـر....؟؟

هل من الصواب ان تفكر به بعد الفـراق و تتوق لان تعرف اذا كان فيه احد ثاني بحياته..؟

هل من المعقول بعد ان ينتهـي الحب ان يرضى احد الطـرفين بأن يكون للاخـر علاقات

اخـرى دون ان يزعجـه الامـر بتاتـاً .....؟؟

هل يجب ان تمـوت الغيـرهـ بعـد ان ينتهي الحب؟

وما العمـل اذا اشتقت لمن تحب بعد الفـراق .....؟؟

ماذا تفعل اذا كان القهر يسكنك لمجرد التفكير بأنـه نسيك وصار لـه حبيب اخـر ....؟؟

انتظر آرائكم....

تحياتي لكم جميعا

واااااااااو موضوع حلو للنقاش منج خاتي نجمة واحييج عليه
وصدكًي هو لو شكًد مينتهي الحب بالنسبة للطرفين الا يبقى شي منة بداخل الكًلب يعني ولو بصيص من التفكير بيه
لانة مو سهلة ولو حتى فترة الحب مطولت بالنسبة للطرفين فا يكفي شي اسمة حب جان بيناتهم
فا ما اعتقد الحب ان ينسي
وانما بعد ما ينتهي حب بين طرفين فا الي اعتقد انو كل من الطرفين يلتجىء الحياتة واكيد الا ايصادف حب جديد كًدامة
فا الطرف الاخر بعد ما الة اي حق عليه لانة ايكون منتهي من حبة فا شي اعتيادي ان ايحب من جديد واكيد الطرف الاخر من يعرف بانة حبيبة السابق حب من جديد اكيد الا ينقهر بداخلة لان بوقتها ايكًوم يتذكر ايامة وياه شلون جانت هذا شي منتهين منة
اما اذا الحبيبين صار بيناتهم اشتياق بعد الفراق فا هاية تعتمد ع قوة العلاقة بيناتهم يعني اكو حالات من الحب احيانا ورة فشل حبهم
تتحول الى صداقة وهاية موجودة بواقعنا وبالعكس اشوفها من يستمرون كأصدقاء من بعد فراق كحبيبين اشوفها كلش حلوة يعني
بذاك الوقت الحبيبين يتأكدون من قوة حبهم القديم شلون جان ومدى قوة تماسكهم وارادتهم بعد انفصالهم كحبيبين
واما لمن التفكير والقهر بأنه قد نسى احد الحبيبين الاخر بعد الفراق فا نصيحة مني بأن لا يفكر بيه وايحاول يتلاشى التفكير بيه لان هاية بصراحة بيها اضرار نفسية داخلية لان بوقتها يتمنى لو ايموت ولا صاير بيه هيجي شي
وسوري طولت بالكلام بس الموضوع شيق ويتطلب هيجي
واحييج مرة الاخ خاتي نجمة موضوع رائع منج
وتقبلي تحياتي

زائر

هـل تمـوت الغيرهـ .... ؟؟

مستحيل ممن سابع مستحيل يمي تموت الغيره لو يروح و يتزوج ويحب وحده ثانيه ابقى اغار عليه حتى لو منفصلين لان اذا جانت بيناتنا علاقه حب و رومانسيه وبعدين تننفصل و ابقى وحيده وهو يرتبط من جديد فا غيرتي راح تزداد اكثر لان احس بفراغ و الكلام اللي جان ينكال اللي واللحظات اللي جنت اعيشها وياه تعيشها بدالي انسانه ثانيه صعبه كلش

اذا تـم الفـراق بينك وبين من تحب رغـم ارادتكـم

هـل هـذا يمنعـك من ان تشتـاق اليـه.....؟؟
بلعكس راح اشتاقله اكثر و يمكن فراقه يحسسني بحبه اكثر

ان تخشى ان يكون قد نسيك،،او استبدلك بحبيب اخـر....؟؟
اذا نساني بعد الفراق فلا عتب عليه بس طبعا اخاف و اضوج اذا نساني وفكر بغيري بس ما الي حق عليه بذاك الوكت و الجرح يبقى بداخلي

هل من الصواب ان تفكر به بعد الفـراق و تتوق لان تعرف اذا كان فيه احد ثاني بحياته..؟
والله الفضول بذاك الوكت راح يكتلني
لان ما اعرف شلونها الانسانه الثاني اللي حبها تهتم بي؟ تحبه؟ تحترمه ؟ بيها صفات اللي هو يحبها؟ من خوفي عليه راح اتمنى لو اعرف اخباره

هل من المعقول بعد ان ينتهـي الحب ان يرضى احد الطـرفين بأن يكون للاخـر علاقات

اخـرى دون ان يزعجـه الامـر بتاتـاً .....؟؟
مااعتقد مراح ينزعج لبي
لان هالشي صعب
بس قدر ومكتوب

هل يجب ان تمـوت الغيـرهـ بعـد ان ينتهي الحب؟
لا مو شرط اني بالنسبه اللي الغيره ما تموت لو ينتهي الحب

وما العمـل اذا اشتقت لمن تحب بعد الفـراق .....؟؟
ما اللي غير اباوع بصورته و اسمع اغاني اللي يحبها و اتذكر ايامنا

ماذا تفعل اذا كان القهر يسكنك لمجرد التفكير بأنـه نسيك وصار لـه حبيب اخـر ....؟؟
والله ماكو حل لان اذا هو اختار طريق ثاني
فا اتمناله الخير والموفقيه وحياه حلوه ويه الي يعيشها
و الجرح اللي بداخلي راح يبقى موجود
لان المراه ما تنسى حب شخص جرحهااااا

و الحب يمكن ان يعيش بكلمه بس ما ممكن يموت بكلمه
و انسان لازم يتحدى كلشي
حتى يحافظ على الانسان اللي يحبه
لان اكو هوايه ناس ما يتمنون الخير
وحاولو قدر امكان تبتعدون عن حجي ناس وركزو عالشي اللي تحبو

موضوع حلو كلش لبي نجمه و اسفه لان طولت بالحجي

عاشت يدج على الموضوع الحلو منج مقصرتي اكيد متموت الغيرة واكيد راح اشتاقلهة لئن هية جانت حبيبتي

وذا بحالت صار الهة حبيب اخر هاي اصلن مجان تعرف شنو الحب

هذا الي اكول اني

تقبلي مروري

امنورررررررررررررررررررين موضوعي يا احلى اعضاء والصراحة ارائكم حلت موضوعي عطرتا الله لايحرمني منكم ولامن ردودكم الحلووووووووووووووووو شكرا

هـل تمـوت الغيرهـ .... ؟؟

الغييره ماتموت ابد الغيره تجي من الحب اذا احب شخص لازم اغار عليه وحتى لو انفصلنا الغيره راح تبقى بكلبي ومراح تنتهي ابد
بمعنــى

اذا تـم الفـراق بينك وبين من تحب رغـم ارادتكـم

هـل هـذا يمنعـك من ان تشتـاق اليـه.....؟؟

لا كلما فرقنا اشتاق اله اكثر
ان تخشى ان يكون قد نسيك،،او استبدلك بحبيب اخـر....؟؟

اذا صار هيجي شي اكيد راح انجرح من كل كلبي ومراح يلتئم جرحي ابد بس ماعندي حل بيدي
هل من الصواب ان تفكر به بعد الفـراق و تتوق لان تعرف اذا كان فيه احد ثاني بحياته..؟

اييييي اكيد اتمنى اعرف كل مايخص بحياته حتى لو هو مايعرف اني اتابع اخباره بس المهم اعرف شلون عايش هم هو سعيد او لا وهل ياترى الانسانه الي حبها احسن مني ومن هيجي اشياء
هل من المعقول بعد ان ينتهـي الحب ان يرضى احد الطـرفين بأن يكون للاخـر علاقات
اخرى دون ان يزعجه الامر بتاتأ....؟؟؟
اني بالنسبه الي ما ارضى ان يكون عنده علاقات وبنفس الوقت ما اكدر امنعه من هالشي بس اذا صارت ويكون عنده اكيد مراح اسوي شي بس اكون منجرحه هوايه منه وراح احاول انساه
بس البنت ماتكدر تنسى بهالسهوله مع الاسف يعني

هل يجب ان تمـوت الغيـرهـ بعـد ان ينتهي الحب؟

يجب ان تموت بس مو بيدنا لان الشخص الي حبيناها كان كل حياتنا ومانكدر مانحبه ومانغار عليه
وما العمـل اذا اشتقت لمن تحب بعد الفـراق .....؟؟

ولاشي بس اذا اشتاقيت اله راح احاول الهي نفسي بشي واحاول ما افكر بيه لان راح ادمر هيجي ومنو يكول هو بشنو ملتهي او حتى هو نساني اصلا ليش اعذب نفسي بالتفكير
ماذا تفعل اذا كان القهر يسكنك لمجرد التفكير بأنـه نسيك وصار لـه حبيب اخـر ....؟؟
القهر مراح يروح من كلبي بس مااكدر اسوي شي سوى ان اقنع نفسي بان هذا الشي كان لمصلحتنا وكلشي بأرداة الله وكلشي قسمه ونصيب
شكرا الج اختي نجمه موضوع كلش حلو
واكيد كلكم ردودكم اعجبتني هوايه وخ ليث كلامك صح ميه بالميه واني وياك بكل حرف كتبته
واختي اميره نفس الشي يبين طبعج مثل طبعي وما انسى بسهوله
وشكرا الكم مره اخرى موضوع رائع جدا

امنورة عززتي بالعين دمعتي شكرا على رئيج الرائع الي حلا موضوعي عندما تنهي علاقة حب 245149

يا غاليية

» عندما تحتاج*عندما ينتابك الشك*ستجد الراحة عند يسوع
» علاقة الابراج بلزواااج!!
» عندما نحب

إرسال الصورة

عندما تنهي علاقة حب