فنون نق النساء من الف الى الياء

فنون نق النساء .... من الألف الى الياء ...

الألف : أريد فلوس دأشتري هدوم

الباء : باجر لازم توصلني لبيت أهلي جيرانهم عندهم حفلة

التاء : ترى اليوم آني ممسوية عشة جيب وياك سفري.. لو تريد نطلع بره نتعشه؟

الثاء : ثلاث أسابيع ما طلعنا تمشينا يالله اليوم حظر نفسك تطلعنا

الجيم :جيرانا اشترو بيجو جديدة.. احم احم.. واحنا ؟؟

الحاء : حبيبى..اريد اغير ساعتي ,مليت من ساعتي الرولكس

الخاء : خابر اهلك اليوم انت ماتروح يمهم ..انا عازمتك نتعشى بره, بس على حسابك

الدال : دور لنا على فيلا على 3 شوارع شنو يعني بيت أخوك أحسن منا

الذال : ذيج السنة (قبل 10 سنوات) قلت لك اشتريلي سيارة وانت غلست
الراء : روح قدم على اجازة و خلينة نسافر لتركيا.. غيرنا مو احسن من عدنا

الزاء : زيد مصروف البيت يعني يادوب يكفي

السين : سنتين حابسني بالبيت .. رح اطك

الشين : شيل الولد شنو متشوفة كاعد يبجي؟ مو زين خلّفته؟

الصاد : صفط هدومك بمكانهم,مليت واني ارتب وراك

الضاد : ضاع عمري وياك .. ليش شفت شي من حياتي؟


الطاء : طلع الملابس وشرهن حتى ميروح عليّ المسلسل

الظاء: ظليت تسمع حجي اهلك .. شوف شصار بينا

العين:عيوني..اليوم.. حجت اختك وياية على التلفون ياربي على هاالنفسية التعبانة

الغين :غير يا اخي ها المواضيع .. انت ليش ما تكللي احبج ؟

الفاء : فهمت عليك لا تكمّل ( تقطعلة كلامه حتى تحجي شغلة براسها)

القاف : قدّر يا اخي شوية...كل شغل البيت على راسي..وانت شكو عليك يوميه طالع تفرفر

الكاف :كم مرة قلت لك أمك ماتحبني

اللام : ليش اهلك عزموا بيت اخوك وما عزمونا ؟؟

الميم : ما أجي وياك ببيت اهلك ..ما عزموني رسمي ...افتهمت؟

النون : نسيت انو باجر عيد ميلاد بنت اخويه؟

الهاء :ها ..اشو هم تأخرت ببيت اهلك؟

الواو : ولدت اخت بت خالة صديقتي.. شنوديلهم هدية؟

الياء : يالله ايدك على25000 (حمرة) حلاوة المصالحة..لأنك زعلتني وكسرت خاطري



مع اعتزازنا بيهم

ههههههههههههههههههه
ها لونا خو انتو الحجيتوها يعني الرجال من يصير عصبي ويراوي مرته العين الحمره مرات يكون حقه مو؟ هههههه
الف شكر عالموضوع لونا

شكرآ عراب بس اذا ماكو نق الرجال ايروح شروي غروي وهذا طبعآ نق بناء

هــــــ هع ـــــــــ هع ـــــــــــ هع ــــــــ هع ــــــــ هع ـــــــ هع ـــــــــ هع ــــــــ هع ـــــــــ هع

ياعيني هاية اشبقت متفهميني ياخاتي لونا هااااااااااا
وعلى مود هيجي طلبات لا هواية راح تستمر العلاقات الزوجية
هههههههههههههههههههههههه
وتقبلي تحياتي شي حلو منج ابدعتي
و

لا اكيد راح تستمر العلاقة لان الجيات اكثر من الرايحات
هههههههههههههههه
شكرآ ليث لتواجدك في صفحتي

لونه كلش حلوين يسسسسسسسسسسسسسلمو

شكرآ لتواجدك في صفحتي اخ دموع الورد
تحياتي

هاااااا لونا اشو صرتي حزب معادي شنو فنون هاي ترى هاي حلاوة عليهم هما مايجون الا بنق ولف ودوران واكيد الجايات اكثر من الرايحات شكرا عزيزتي موضوع حلو

لا نورا اكيد مو ضد بس حتى يشوفون شنسوي بيهم ويبقون ايحبونا هههههههههههههه شكرآ لمرورج حبيبتي نورا