جات دجلة والفرات

موضوع: جات دجلة والفرات الأحد مايو 31, 2009 7:41 am

جات على جرف الياهو ماسنجر بين دجله والفرات

الفرات : هلو دجله شلونج

دجله : هلو فرات اشلونك اكيد مايك لا لون ولا طعم ولا رائحه هههههههه

الفرات : ههههههههه مايج خفيف شلونج ولج

دجله : يمعود شحجيلك اليوم عشر جثث مجهوله الهويه تسعه مقطوعة الراس
ويس واحد بيه روح بس اجه حوت واكله

الفرات : شنو السوك نازل بالعراق اني بس خمس جثث لا راس ولا رجلين
ولج شنو بنهرج اكو حوت امورج عدله اني بس اسبور وجري

دجله : ههههههههههههه جري تسكت اسكت لا تجي المليشيات تشفطك مو الجري
حرام

الفرات : ليش يمه حرام

دجله : يمعود لا تدخلنه بالسياسه خلينه روحنه طالعه العفو امواجنه طالعه

الفرات : عمي دجله منو كدج انتي الجواهري يتغزل بيج ويكول حييتوا سفحك عن بعد
فحيني يادجله يا ام الخير يام البساتيني

دجله : وانت منو اتغزل بيك يامكرود

الفرات : منين ياحسره اني بس اجه المطرب الوسيم صلاح البحر يغني يمي
عمي يابلام تعبنه الوكت ياعمي مجروحين ياعمي خلينه

دجله : يمعود يابساتين تعال شوف حالي بس زبايل هسه تروح شوف باقي الانهر
بالعالم كلها اشجار وازهار بس حظنه احنا ناكع ههههههه هو احنا ماي شنو ناكع

الفرات : اي والله حتى العشاق قبل ماجاي يجون يم الجرف مالتي

دجله : هم شنو يجون يمكن يسون

الفرات : غير يتباوسون مضروبة الجلوه اتسوين نفسج مطفيه ماتعرفين

دجله : انزول استحي ولك والله اني من الضوجه يمكن راح اطلع من العراق اروح الى الامزون

الفرات : ولج احنا ماينه يسوه بدون العراق والله يصير ماينه مال مجاري اذا نطلع
من العراق دقيقه دقيقه هاي اربع جثث اجتي ولج هذا بيهم مسؤل جبير بالمنطقه
الخظراء

دجله : عزه مسؤل جبير بالمنطقه لخظراء ومات يمه سوده عليه هذا مناظل خطيه

الفرات : ولج هذا مو ميت هذا سكران وكع بالفرات شارب عرك ريحته تكتل

دجله : عزه هذا مناظل سرسري يشرب عرك ساده علىالاقل خففه

الفرات : غير من حبه للوطن وقلبه محروك على الوطن وجاي يشرب عرك ساده

دجله : وهاي شلون اني راح اطلع من العراق اروح الى نهر التايمز

الفرات : اصبري يادجله اصبري ولج غالي الوطن دجله غالي الوطن دجله غالي غالي
تفرج يبه تفرج وترجع البلامه الهايمه اطوف ونيران الشواطي وسمج مسكوف
محروس ياوطن محروس من كل خايس وممرود يرسم بخبث وكراهيه
من وره الحدود محروس ياوطن يامكرود

دجله : الى وين اصبر يافرات وصارت اطول من مجراي وماتميز الدمعات من زخ المطر
وروجاتنه تدفعه الهوه ودمعاتنه اتكطر بيدينه حتى السمج بينه صارت عينه وكحه
غير الجثث ماياكل ولا يهوه

الفرات : ولج وين تروحين اخاف امنسقه وي النيل شنو راح تزوجين مصري

دجله : لا امنسقه وي ساجيه بالسماوه انت صدك بطران وصاير ماي خايس

الفرات : شدعوه عيني هسه الي يسمعج يكول مايج سفن اب

دجله : انزول عليك اموت عليك دجله والفرات النهرين حتى لو ناسه خانوه
بس نبقه نروي هاي الكاع لو حتى لو بخرونه

هههههههههههههههه جات دجلة والفرات 245149

نداوي

تحياتي اومنياتي لك
الف شكرا شكرا

ههههههههههههههههههههههه

شكرا اخت ندا موضوع حلوو

هههههههههههههههههههههشكراً ندوشي على الموضوع

زائر

ههههههههههههههههههههههه
كلش حلو عاشت ايدج شموعتنا المتالقة

شمعه على الموضوع الحلو
جات دجلة والفرات 570918

ههههههههههههههههههههههه

شكرا شمعة المنتدى على الموضوع الحلو

مروركم الرائع يا حلوين و ربي مايحرمني طلتكم الحلوة يسلمووووووووووووووو

ههههههههههههههههههههههههههههههه

شكرا على الفرفشه الحلوه
جات دجلة والفرات 6710

وخطيه هم على دجله وفرات حجيتوا
ههههههههههههه

وتم نقل الموضوع الى القسم المخصص له
"قسم الترفيه والكاريكاتير"

تحيتيـــــــــ

ههههههههههههههههههههههههه حتى دجلة و الفرات ما خلصو من عدنا هههههه عراققين بعد احنا و مايعجبنا نحجي هههههههههههههه صقور على الزيارة اللمميزة يسلموووووووووووووو خاي

» العراق يبجي بحظن دجلة والفرات
» جات بين دجلة و الفرات [ تحشيش للقاع هع هع ]

إرسال الصورة

جات دجلة والفرات