ابو بريص عراقي يائس من الحياة

[size=18][/size hiiiiiiii جبتلكم هذي القص

كان ياماكان في قديم الزمان ......... مو كلش قديم

الزمان يعني قبل شهر او شهرين تقريبا

كان اكو ابو بريص شاب في مقتبل العمر ومرتب

نفسه حيييييييل وعاجبته روحه عبالك سحليه ام ال

5 امتار مو ابو بريص ... المهم في يوم من الايام

عجبته سحليه صغيره بعدهه مراهقه بس

كلللللللللللش حلوه سولف لجماعته شجعوه حتى

يصارحها المهم ابو الشباب اتعربن وقرر يروح يصارح

وفي اليوم المحدد وبعد مراقبه عرف ان السحليه

رايحه محاضره خصوصي هي وصديقتهه في بيت

الاستاذ وطبعا الاستاذ كلش معروف لان ماكو غيره

بالغابه بس هو شلون معلم الابتدائيه يدرس كل

المواد فحضر نفسه لبس هذاااااااااك القميص

المرتب وطك السلسله ورتب شعره وسواه

سبايكي عبالك سلسله جبال الهملايا ولبس جينز

كمرليس وكاحت (كاحت من النوم) والحذاء ما

اسولفلكم عليه عبالك السيف مال عنتر ابن شداد

واخذ موبايله ولبس نظارات شمسيه والدنيا مغيمه

بس شنو على اساس فيكه و لزم راس الفرع

وطلعت الخاتونه تزحف على كيفهه لان الشارع مال

الغابه مامبلط عدل والكعب مالتهه عالي وخلاها

تزحف شويه وجرب زحف وراها ومن ابتعدت من

الزرف مال بيت اهله اتشجع الاخ وكال من رخصتج

ممكن احجي وياج هي اندارت وكالتله شنو دتحجي

ويايه حضرتك كال نعم يا عيون حضرتك وبعد فتره

من الصمت الثقيل المخيم على الاجواء جمع الاخ

افكاره وكال اني صارلي فتره دا اراقبج وعجبتيني

وبصراحه كنت خايف احجي وياج لان اني خايف من

ردج وحبيت ابقى عايش بهذا الحلم الجميل اطول

فتره ممكنه والاخت اشتغلت ضحك عبالك ديحجيله

نكته وكان الرد الحاسم عزيزي تره اني مخطوبه

لأبن عمي وبس اخلص سادس اتزوج ورفعت ايدها

او رجلها مااعرف لان هم اربعه وشوفته الحلقه وفي

هذه اللحظه عصفت رياح الحزن بالمسكين ولم

ينطق بكلمه واحده وظل صافن عليهه والدموع

تترقرق في عينيه هي شويه استحت وبطلت ضحك

وكالتله من رخصتك تره اتأخرت على المحاضره لان

صديقتهه سوتلهه مسكول يعني بدت المحاضره

وظل هو يمشي لوحده لمن وصل للحايط الي بيه

الزرف مال اهله وطب للبيت امه كالتله ها ماما

شلونك حبيبي اسويلك (milk shake) كال لا ماما

رجاءا اتركيني وحدي وطب بغرفته وسد الفتحه مال

الغرفه بحصوايه صغيره وطلع علبه مال فاليوم ام

الخمسميه وبلعهه كلهه ونام على ظهره وبعد

مكعد يعني شنو قابل قيس احسن منه انتحر من

وره ليلى لو ليلى احسن من الخاتونه صاحبته

السحليه علمود مينتحر وراهه وعلى العموم لو ما

منتحر كان مات بنفس الطريقه الي ديموت بيهه

جماعته يعني وحده من البنات تعيط وتلم العالم (

واااااااااااااااااااا ابو بريص ) فينهض احد الشباب في

محاوله رجوليه لانقاذها من براثن هذا الوحش

الرهيب وطب طب طب وتلكه نصه لازك بالكاع ونصه

لازك بسلاح الجريمه .... هذه هي النهايه

المأساويه للحب من طرف واحد

ابو بريص عراقي يائس من الحياة 688362

اقروه

زائر

hhhhhhhhhhhhhhhhh yboo shlon 8sea mo7zena jden jden looool alah es3daa ابو بريص عراقي يائس من الحياة 352630

radlha katl hal s7lea al khalea mn msha3er ابو بريص عراقي يائس من الحياة 400898

shkrn lmrorg al 7lo

ابو بريص عراقي يائس من الحياة 437682

هذا شلون رد بارد شنو قابل ماكو احلا من سحليا خلي ياخذ فراشه مثل ما سواه فريدي هو نملة واخذ فراشه ما شاء الله غابه مليانا

تسلم وردة على هذه القصة الحزينه
تقبل مروري

nort motho3e shkrn lmrork al gmeeeeeeeeeel شكرآ على المرور

هههههههههههههههه رووعه قصة كلش حلوة تسلم ايدك ياعسل على الموضوع بس خطيه الله يعينو عذا الابو بريص اللي انتحر ::

hhh

ههههههههههههههههههههههههههههه شكرا غل القصة المحزنة

شكرا ياسنفورة على المرووور

ابو بريص عراقي يائس من الحياة 807446

kooosg

» موقع عراقي جديد لرفع الصور والملفات (عراقي اب)
» لقاء مع السيد*ابو بريص*
» عراقي انا

إرسال الصورة

ابو بريص عراقي يائس من الحياة