القوش طلبتي

حَـليثيوَت ْ مِخ ْ بَيْبونا دْنيسَـن ْ سْـموقا

حَـليثيوَتْ مِخْ دَو خِـلْما بْخِلـْـمِحْ عشيقا

حُـبّـا دْأرْء َ وْبَـرْناشـوثا بْيـوما شـويـقا

بْقَپلِ دْبِشتا وْبگوأورخاثا دْنامُسْ سْپيقا

حَليثيوَتْ بْشُپْـرَخْ كْـميلا وْقومَخْ سريقا

آيَـتْ كـيذ َتْ قايْ كْحامَـيلَخْ بْلِـبّا شْحيقا

رَبَّنْ هرمزدْ وْهَمْ مارميخا ومار زَدّيقا؟!

مْسَبَبْ دإيوَتْ إِيـذا بْرِخْـتا بْزَونا سْـنيقا

كْـياوَتْ وْكْياوَتْ بْلِبّا پثيخا وْقالا شْتيقا!

مَلِكْثـَـيوَتْ بـِرْتِـدْ نـَهرينْ بگـو خَماثا

شوپْرَخْ إيلا رْسِمْتِحْ شْمَيّا بگو أثواثا

مْسَقـْل ِ بْدِهْوا وْزِهْي ِ بْحُبّا دْنِهْرَواثا

أيْنَخْ إيلي دَقْلَثْ وْيوپْرَتْ وْكلْ مَثواثا

دْدَشْتا دْنِنْوي، مْعُمْقا دْزَونا مِخْ أيناثا

كْــياوي بِهــرا وْمَلـْپــانـوثا تا يوماثا

دْآثـَي مْپيل ِ بگو عَوقانا ، بگو عقاثا!

حَـليثَيوَتْ طلِبتي ألقوشْ وْلَيثْ مْذِناثا

دْدامَـي إلـَّـخْ بگـو حَخـِّـمْـثا وْبْلـِبَّـواثا

حَـليثـيْـوَتْ يمّـا دبابي وماني ميـر ِ بـِـدْ ناشِخْلـَـخْ؟!

كُلْ يوماثا دْفَيتي مْخايَنْ دلا خازِخْلَخْ بْتَخْرِخْ شِمَّخْ

وْكُلْ عِدّانا دْبَسمي خايَنْ بگو غِرْبوثن ْبْطَلْبِخْ مِنَّخْ

دْمَديرَتَّنْ لْرَمتا دْجونقِ وكافا سْموقا دْشَقـْلِخْ ريخَخْ

أخني لَيبَن ْ دخاهِخ ْ آز ِ وْبگو بِسْموثا گْليز ِ مْحُبَّخْ

أخني إيوِخْ غْدَيْ زِمـَّـرْتا قالِحْ گويلا بگو شتَيْخَنْتَخ

لـَـشَوْقَتـَّـن ْ يِمّأ دْأورْز ِدْشَقـْلِخ ْ قـَرْثا بگو شِخْنوثـَخ ْ

بَسّا بَسّا مْباطِلْ نِقوا، كْخَلـَّي أينَخ ْ وْمَغْزَي شوپْرَخْ

ثيلِ يوما دْرَخْشَتْ سْطِلتا وْبَرسَتْ حُبّأ رْويزا بْحُبَّخْ

وْأختونْ أْيال ِدْكُلْ مَثواثا دْدَشتِدْ نِنْوي وأتّـوك وعقرا

إيال ِ دْبابلْ وآشـورْ راما ؛ خـْميرا دْأَرْءَ وتاگـا دْأَثرا

مَعـلو شِمّا دْكلدوآشورْ وْبْنو كُلْ گِشرِ دْمَمْطَي صَبرا

حُـبّا وْشلاما وْهَـيمانوثا تـَـكُلْ عَمـَّـنْ: مْزاخو لبصرا

نِخْـثو لـْـمَـيْدَن ْعِـراقايا وْمَـصپو ماي ِ مْهَـرْش ِبْنِهرا

هَـلـّـو ناثـا وْپـِثـْخـو لِـبّـا وْخـورو بأيـن ِ مِلـْـي ِ بـِهـرا:

شْمَأتا صْپيثا وْحُبّا دْبَيثا وْخْيَرتا رْوِزْتا كْيَسقي لصيرا

دْياوي بِهرا بليلواثا مِلْي ِ خوشكا وكوم ِ خْقيرا

أخِنْواثي ويا خَثْواثي بْـنول ِ أثـرَن ْ بْخَـيلا مْهيرا

هَيو دْبانِخْ بَيْثـَـن ْ خاثا وْدْعَينِخ ْ دَشتا دْقـَـپلا طورا

هَـيو دْيَصْرِخ ْ خـُلـْمَن ْبيوما دْثيلِ طالَنْ مِخ ْ زاريرا

مْعُمْقا دْزَونا دْويوا سْـپيرا دْمَمْطِ طالـَـن ْ خـُلـْما نْطيرا

ناشِ دْدينا لـَوِلـَّـيبَي دْمَلـْپي عـَمـَّنْ شوقْ مِنْ روشما:

بابا وبرونا وروحا دْقودشا وْكُلْ أنْ خِنّي إيلي بِسما

برازِ وْرَمْشِ لا دْكُلْ قاش ِ، بَسْ أنْديلي رْسيم ِ بْشِمّا

إثـيـن ْ قـاش ِ كـياوي ريخـا مـا حَـلـويا ومـا بَسـّـيما

وإيث ْقَشّيش ِخْريوِ وبيش ِبْشِمّا دْإيشُعْ كْيّصري كِمّا

كُـلْ بَرْناشا دْلـَـگب ِ بـَيثيـحْ لـَـگب ِ ماثِحْ- إيل ِ پْليما

وْكـلْ مَـلپانا دْلا ليشـانا دْناشِـح ْ وأومْثِح ْ لـَـتّ ِ طيما

كْـما بْريخَـيل ِ ريشـا دْديـنا دْدار ِ إيـذِح ْ بإيـذا دْعَـمّا

ومولِپْ إيالِح ْ عواذِ طاو ِ وْپاسيءْ لقاما بأورخا دْيمّا!

وكْـما مْحيلـَـيل ِ آوا دْآوِذ ْ عـْواذِ سِـرْي ِ بْزَونا بْسيما

آنـا كـيذِن ْ ناش ِ دْأومـْـثـَـن ْ إيـبَي تـيوا وإيـبَي قــيـما

لكِـن ْ آني دْدَيشي لـْزَرْعَـن ْ ليلي مِنـَّـن ْ- إيلي مْخَكما!

الله يسلموووو فاديم كلمات حلوه ... بس صعبه لقراءه

شكرا يا عسل على المرور الحلو نورتي موضوعي

عاشت ايدك فدوووووو والقوش تستاهل
يسسسسسسسلموا يا ورده

شكرا اخوني عراب على المرور الحلو والقوش اكيد تستاهل