اجمل تحشيشه بين الحشاشين والحشاشه

+

-مرررررااااااااحب شباب وصبايا



حديث تلفوني وتلفون حشاشه من نوع الي يعجبكم...

ان شاء الله تعجبكم واحصل تعليقات من هل الحلوك الحلوه يارررررررب...
يله لتفشلوني حبااااااااابين...



قبل متقرررون عندي سؤال الكم بيه جائزه وهيه قوطيه ببسي دايت... من اسواق مريم الي انضربت بحي الغزاليه مع العلم انه القوطيه مضروبه شضيه قاذفه ار بي جي الفين وهسه والشؤال هو:-

شنو اسم الحشاشه الي وياه مع العلم انه اسمها مذكور بطريقه حره غير مباشررره ويه الحجي وشكرا وطحين...



سمـــ الوردـاوي:- هلو

الحشــــــــــــاشه:- الو

سمـــ الوردـاوي:- الو لو اثير؟

الحشــــــــــــاشه:- اثير لو مفقود؟؟؟ اثير حرب احسن....

سمـــ الوردـاوي:- شون الصحه؟

الحشــــــــــــاشه:- نشله وكحه... انته شونك؟

سمـــ الوردـاوي:- شونك لو شارب؟

الحشــــــــــــاشه:- شارب ولحيه

سمـــ الوردـاوي:- نبي الله لحيه لو موسى؟؟..... موسى من الخد.

الحشــــــــــــاشه:- لا مو من الخد من باجر احسن هههههههه

سمـــ الوردـاوي:- انته شونك حوب؟

الحشــــــــــــاشه:- حوب لو دولفين؟؟

سمـــ الوردـاوي:-لا شبوط ياروحي...

الحشــــــــــــاشه:- وين اروح؟؟؟

سمـــ الوردـاوي:-نوحي بباب الامام لو بفاتحه مو يمي تنوحيين...

الحشــــــــــــاشه:- ديله يله...

سمـــ الوردـاوي:-ديله لو بعقوبه؟؟؟.... بعقوبه سجن لو كفاله؟؟...

الحشــــــــــــاشه:-لك صاير ظريف؟؟

سمـــ الوردـاوي:-لك لو زوج؟؟.... ظريف لو شته؟؟... احنه هسه بلصيف قلبي...

الحشــــــــــــاشه:-صاير حشاش يول؟...

سمـــ الوردـاوي:-أي والله امتحانات غير نغش اقصد نحش حته ننجح...

الحشــــــــــــاشه:- أي بلتوفيق..

سمـــ الوردـاوي:-لا اشكرج متوفق قبل بمركز شرطه الغزاليه...

الحشــــــــــــاشه:- غزاليه لو مأساه؟؟

سمـــ الوردـاوي:- هاي شنو؟؟... شو سويتيه مسرحيه؟؟

الحشــــــــــــاشه:-ليش معرفت؟؟ مسرحيه من الجيش صار شكد...

سمـــ الوردـاوي:-ليش هيه شنو؟؟؟

الحشــــــــــــاشه:- ليش المهدي.. ههههههه

سمـــ الوردـاوي:-مهدي لو مسكن الألام.... مسكن لو منزل؟... منزله سماويه خخخخخخخ...

الحشــــــــــــاشه:- شو صاير تنكنت؟؟ هسه يكلي انكت مي هههههه.

سمـــ الوردـاوي:-لا لا حياتي صبرج... وداعتج حياتي قبل مماتي التانكي عاطل, الطوافه مدري شبيه.. لهذا انكت خخخخخ...

الحشــــــــــــاشه:-طوافه لو هليكوبتر؟؟؟ههههههه

سمـــ الوردـاوي:- لا زرافه مثل شكولج..خخخخخخخخخخخ

الحشــــــــــــاشه:-اوووي مامي ليش انته شون شكول؟؟؟

سمـــ الوردـاوي:-اني شكول انذه سكول اند يو اكبر زغلول واسئلي بهلول بهل الأمور...

الحشــــــــــــاشه:- ربي اني شون ويه الجهال...؟؟؟

سمـــ الوردـاوي:-شبيج حياتي ويه الاسهال؟؟؟

الحشــــــــــــاشه:- انته شبيك؟

سمـــ الوردـاوي:-انته لو سلايد روف... الشبيك صرفيه بلمصرف اصرفلج يا حلو...

الحشــــــــــــاشه:- هههههه سخيفه

سمـــ الوردـاوي:- سخيفه الكراج لو سخيفه نوح؟؟... نوح وتعال... تعال على رأسج...

الحشــــــــــــاشه:- مو صوجك صوجي اني!!

سمـــ الوردـاوي:- اني لو راوي... راوي لو كاتب؟؟... كاتب؟!! شكد مجررم لعد؟؟...

الحشــــــــــــاشه:- راوي لو ازركـ؟؟

سمـــ الوردـاوي:- أي ازرك أبر... لج انتي ابرج ابر من حالي خخخخخخخ...

الحشــــــــــــاشه:- اكلك رصيدك خلص

سمـــ الوردـاوي:- هههههه لتجذبيين احنه على الارضي...

الحشــــــــــــاشه:- يعني مو على سماوي؟

سمـــ الوردـاوي:-لا كلنه على الله... ههههههههههه

الحشــــــــــــاشه:-هسه شون متكول باي؟؟

سمـــ الوردـاوي:-شون ترافلته؟؟... والله خوش ممثل يا حبيبتي...

الحشــــــــــــاشه:-أي خوش وطليان

سمـــ الوردـاوي:- تصفيق حااااته

الحشــــــــــــاشه:-هههههه حاته بيت الله... حاته بربع حاته بربع...

سمـــ الوردـاوي:-لا شركه حاته للصناعات الجلديه خخخخخخخ

الحشــــــــــــاشه:-هيهيهيه هسه شونك انته زين؟؟؟ هسه يكلي زين الدين زيدان؟؟؟

سمـــ الوردـاوي:- احسن منج اني انتي شونج؟؟؟

الحشــــــــــــاشه:-اني زينه

سمـــ الوردـاوي:- هااااا يعني مو_ _ _ _ _ _ _ _ _ الحشاشه؟؟؟ اوكي عيوني زينه شرفتينه...

الحشــــــــــــاشه:-اكلك لتمصخه عاااد تره الجماعه ملوا من القرايه...

سمـــ الوردـاوي:- عاااد لو ثمود؟؟؟ يله راح اكول بااااي

الحشــــــــــــاشه:- يله اني اكول نص كافي..


ها شباب شلونها

تحياتي لكم
فاديم

ههههههههههههههههههه
تسلم خوني خوش تحشيش تسلم ورده

ههههههههههههه كلش حلوا هذا خوش تحشيش نورت فاديم موضوع كلش حلو

شكرا اخون البغدادي على المرور الحلو

شكرا بالعين منورة الصفحه