قصيدة للشاعر العراقي عباس جيجان

قصيدة للشاعر العراقي عباس جيجان .....

البارحة شفت الوطن بالطيف اجاني البارحه ..
قتله هلا ومية هلا يابو الخيول الجامحه ..
مديت اديه تسالمه شفت القلب قبل الجفوف يصافحه ....
شلونك قلت ياموطني وظنوني ظلت سارحه ..
وانقطع وسطي من الخجل من الخجل وعيوني ظلت شابحه ..
قال اطمأن ياولدي كفتنا هي الراجحه ..
قتله الْيِرد ياموطني لحضنك الدافي تسامحه !! ..
قال اْليِرد وإلْما يِردْ وحتى الْيِفكر بالوطن ذنوبه كلهن طايحه ..
بس الْيِخون اُمّيِتهْ ما يستحق نقرا على روحه الفاتحه ..
قتله يبه ياموطني عندي حجي بغزر الدموع المالحه ..
قال احجي قول شما قلت طبع الوطن مثل الابو واجب عليك تصارحه ..
قتله يبه ياموطني ليش انت من دول الدول صاحت عليك الصايحه ؟؟
وليش انت من دون الدول اطفالك الحلوين بالدم سابحه ؟؟
وليش انت من دون الدول بكل بيت عندك نايحه ؟؟
وليش انت من دون الدول ناسك إتْصبّح نازحه ؟؟
وليش انت من دون الدول جيرانه كلها تواقحه ؟؟
وليش انت من دون الدول يا ثور بالعالم قوي تركض عليه تناطحه ؟؟
متْقلي منهو الْخبلك يا بو العقول الراجحه !! ..
شفته ضحك .. شفته ابتسم لمن حِجى و جاوب اجابه واضحه ..
يبقى الوطن هو الاصل والناس هي الرايحه ..
كفكف دموعك ياولد ادري بغريب الدار شوقه الجارحه ..
وادري بغريب الدار كل ما يِعتلي وكل ما صعد وشْما كسب خسران كل ما رابحه
..حتى الطيور إلها وطن تهاجر لجل لمن يهزها الشوق ترجع طافحه ..
وحتى النخيل إلها وطن ما تنشتل إلا بأرضنا المالحه ..
بس إحنا نبقى لِشْ وقت يا موطني نحلم وطنا نصافحه ؟؟ ..
وخلاف الوطن تبقى البشر مثل البهايم دايحه ..
والبارحه شفت الوطن بالطيف أجاني البارحه

وليش انت من دون الدول اطفالك الحلوين بالدم سابحه ؟؟
وليش انت من دون الدول بكل بيت عندك نايحه ؟؟
وليش انت من دون الدول ناسك إتْصبّح نازحه ؟؟

ميلاد قصيده جميله ورائعه وحلوه
تسلم الايادي خوني
تحياتي وامنياتي شكرا شكرا شكرا
قصيدة للشاعر العراقي عباس جيجان 495320

زائر

شكراااااااااااا لهذا الموضوع الرائع

تسلممممممممممم ميلاد كلمات رائعةةةةةةةةةة شكرا

شكرا الكم شباب على المرور

» عباس جيجان شعر بلا سورث 2010
» بعض قصائد للشاعر نزار قباني
» 뭎 السّــنبلة : قصيدة للشاعر التونسي .. محمد علي الهاني 뭎

إرسال الصورة

قصيدة للشاعر العراقي عباس جيجان