اسئله تعجيزية لكن السر بالاجابة

أسئلة نتعرض إلها بشكل مستمر
يسألونه أهلنة.. أصدقائنا.. جيراننا.. وما ننتبه أنها أسئلة غريبة جداً وغير منطقية جداً.

إليكم بعضاً من هذه الأسئلة، مع أجوبة (تحشيشية) لها

خلـ نشوفها

* * * * * * * * * * * * * * * * * * * * * * * * * * * * *إنت نايم على القريولة مالتك، ومطفّي الضوة، ومتغطي بالبطانية، يجي واحد من أهلك ويفتح باب غرفتك ويگلك: 'ها عبود!! شنو نايم ؟؟'

لا والله دا ارگص وأغنّي.. بس إنت دتتخيل آني نايم

معزومين يم جماعة، ووصلتوا.. دگيتوا الباب.. يفتحلكم واحد من أهل البيت وراسا يگوللكم: 'ها..جيتوا ؟؟'

لا والله بعدنه على الطريق.. بعد نص ساعة نوصل لطويريج.. إشوية إزدحام

لابس هدومك الحلوة، ومتعطّر، والجل على شعرك يخبّل، وبيدك ميدالية مال مفاتيح السيارة (إذا عندك سيارة)... تجي أمّك وإتكول: 'ها إبني.. طالع ؟؟'

لا والله يُوم.. دا أطلع للسطح.. وأعدّل الدش مال الستلايت.. بلكي يطلّعلي قناة عرعر.

لازم الكتاب لو الملزمة، وگاعد دتقرة لأن باجر عندك إمتحان، وناثر الكتب حواليك والأوراق مطشّرة بكل مكان.. يطب أبوك ويگلك: 'ها إبني.. دتقره ؟؟'

لا والله يابة.. دا أبدّل الدهن مال السيارة ودا أصلّح الكابريتر.

توّك لازم السماعة مال التلفون واتريد إتخابر صديقك (لو صديقتك)، وبديت إدّك بالأرقام.. تجي أختك وتسألك: ' شنو دتخابر'

لا والله.. دا أسوي زلاطة.. بس السچينة عمية ومدتنگص الطماطة وياية

واحد يأشّر لتكسي.. التكسي يوكفله.. يگلّه للسايق: 'فارغ ؟؟'

لا والله عندي أربع خوط مال مدارس لازم أجيبها، وأريد اروح أتسوّك قبلها، واشتري لحم، وأشتري ركيّة، وأدفع قائمة الكهرباء.

راكب نفرات بكيّا.. إطلِّع (ربع دينار) وتنطيها للكدامك.. الكدامك يسألك: 'واحد عيوني ؟؟'

لا عيوني.. 20 واحد ورجعلي الباقي

إتريد تنزل من الكيّا.. تگولّه للسايق.. على اليمنة بلية زحمة.. السايق يسألك: 'شنو.. إتريد تنزل ؟؟'

لا والله .. دا أجرب حسّي... أشوفه حلو لو محلو من أحچي

هههههههههههههههههههههههههههههههههههههههه عاشت ايدك موضوع كلش حلو وووووووو عاشت ايدك ياعسل شكرا مرسي

بغدادي حلوه ههههههههههههههههههه
تحياتي وامنياتي
شكرا شكرا

زائر

عاشت ايدك بغدادي كلللللللش مبدع انته شكراا الك

ههههههههههههههههههههههههههههههه يسلمووووووو موضوع كلش حلووووو عاشت ايدك اسئله تعجيزية لكن السر بالاجابة 382587

شكرا الكم يا احلى اعضاء تسلمولي

ههههههههههههههههههه حلووووووة بغدادي تسلم ياعسل

تسلملي خوني اشكرك عالرد يا ذهب
شكرا الك

[ندعوك للتسجيل في المنتدى أو التعريف بنفسك لمعاينة هذه الصورة]هههههههههههههههههههههههههههههه [ندعوك للتسجيل في المنتدى أو التعريف بنفسك لمعاينة هذه الصورة]اخ بغدادي

شكرا الج خاثي اسئله تعجيزية لكن السر بالاجابة 245149

شكرا عالرد
نورتي

» تفضلو بالاجابة بنعم او لا ؟؟؟
» اسئله صعبه محيرتنااااااااااااا
» اسئله حلوى لأعضاء المنتدي؟؟؟؟؟؟؟؟

إرسال الصورة

اسئله تعجيزية لكن السر بالاجابة