البغدادي
عضو مميز
المزاج : 
 عدد الرسائل : 755
العمل/الترفيه : مااكول
 هذه الخاصيه عباره عن نقاط الامتياز للعضو الذي يشارك بالمسابقه او اعطائه نقاط لامتيازه من الاداره
العمر : 36
تاريخ التسجيل : 10/02/2009
اقامه : بغداد
كيف تعرفت علينا ؟ : صديق
 بامكانك كتابة رسائل sms هنا او حكمة اليوم او شعر قصير او خاطرة قصيره
 | | موضوع: ابوذية الجمعة فبراير 13, 2009 7:01 am | |
| بس ميانه
الحلو ردنا يجينه بس ميانه
و ابد ما ردنه كوه بس ميانه
اريدن طابو كلبك بأسمي انه
عقار اسحب عليه و ابني اليه
و انته راوي
اراوي جروح كلبي و انته راوي
و رواية شوك روحي و انته راوي
عثك الناس حشف و انته راوي
بريمك طاح من خدك بديه
مرهم انه
اهوج خلاف عينك مرهم انه
و اهد بعناد جرحك مرهم انه
حلو كلش و اشرك و مر هم انه
علج بس تجي مروره طعم بيه
كهرب انه
نزل بالريح يجفل كهرب انه
شما تفركني افوحن كهرب انه
خزني و من خزرتك كهربانه
انتلنه و شفنه بي عين المنيه
و انتلنه
يون كلبك و ندري ونته النه
تكهربنه بودادك و انتلنه
رخي ويه الناس شصك ونته النه
اجت سنارته بلا طعم بيه
و اختلفنه
جم حسره التهدنه و أخ تلفنه
و جم اخ الدمرنه و أخ تلفنه
لون احنه انجسمنه و اختلفنه
|
| وحق الي محه العزه محه الات..
شفافك عسل من ربك محلات..
الك عالشارع بكلبي محلات..
محل حب ومحنه وشاعريه..
|
| احس گلبي عليك اليوم لاعب
كلام الخشن بطلة وياي لاعيب
اسمحولي وگعت انه بعشگ لاعب
تركني وفضل الطوبة علية
|
| راحت روحي تتمشه ورمشاك
جفنك مني جرجرها ورمشاك
رمش اني احب رقمك ورمشاك
ترد الروح من ترمش عليه |
| هفه بسهـام ماغـيري لهمجان
وغداجن من لحم روحي لهمجان
أسهام الما لكت بية لهمجان
أنبتت فوك السهام الاولية
ملاحظة البيت منقول
|
| ولك اغلط ولك مره علي فوت
وهم كلبك تلوع هم علي فت
صدك مرسوم و مفصل علي فيت
شكثر قاسوك بس ترهم علية
لشاعر حمزة الحلفي//بغداد
|
| جفوني هواي عدوانًا وظلماًً
ولياليي النور مامرهن وظلماً
الـبي هـده رحـل عـني وظلماً
المتانيني أمن أطيح يهد علية
1=الظلم
2=الظلام
3=ظل من
|
| عليج الروح راحت من يردها
و وكيحه همومي صارت من يردها
خطيه الروح ملت من يردها
لان بس الصبر يبسل عليه
|
| لتهم بالعمر خلصان وحده
وانه ضعني سرا بالهوى وحده
حلت جنها بعيونك غير وحده
وكمت ما تسال ولا تمر بيه |
| حبيبي شلون حالك وصفه اليه
عوف الناس كلهه وصفه اليه
مريض وصرت انت وصفه اليه
من اشوفك كل مرض مايبقه بيه
|
| ولك اغلط ولك مره علي فوت
وهم كلبك تلوع هم علي فت
صدك مرسوم و مفصل علي فيت
شكثر قاسوك بس ترهم علية
لشاعر حمزة الحلفي//بغداد
|
| روحي هموم شخصك ما شكتلة
وعليك دموعي تهمل ماشي كتلة
نزل سهمك بكلبي ماشي كتلة
كتلت الروح وأنتة تعيش بية
لشاعرالشاب علي والي//البصرة
|
| هذه الابوذيه اهداء الى حبيبتي الغالية
والتي اشتقت لها كثيرا ....
عليل الجسم بغيابك وناحــــل
وحبال الشوق تخنكني وانا احل
انت لغر بالدنيه وانا حــــل
ما ينفهم الا احنه ســــــويه ..
|
| وحـك الي بده القرأن بسمه
تركني وضاعت من اشفاي بسمه
الكلب ماصاح بسمي صاح بسمه
لان هو الكلب والروح اليه
|
| الدمع مرات مو بس حزن يعني
ثكيل وبس عليك الجدم يعني
على احوالة سألتة وكال يعني
ومعنى اليعني مالك غرض بيه
همت بالبيد انة وضعت بيداي
الوب ومانمت بالليل بيداي
طحت ابير جفك جان بيدي
كلتلك جرني ليش تعوف ادية
عرفت الليل بين من نيمتة
ومن وكتي انة افرح منة يمتة
مرة الجفن نام ومن نيمتة
زعل واغتاض واتسودن علية
|
| بديت أوماعرفت أمنين بدواي
عليل أوحارت العربان بدواي
إذا أنته طبيب اتعــرف بدواي
الحكني بالشفا قبــــــــل المنيه
|
| حبيبي العمر يمك ودعينة
وجذب كلنه نكرهك وادعينة
حبيبك صوغه لجلك وده عينة
فدوة العين راحتلك هدية
|
| تلوب الروح مشتاكــه لهلها
ودموع الشـوك بغيابك لهلها
شحال الدار لو راحوا اهلها
جاوبني يهل مبعد عليه |
| نـفوت اعـله الرواسي وانمر
واحـدنـه شبيـه الاسـد وانـمر
عسل نصبح لريج المحب وانمر
ولـريج العـدو سـم واذيـه |
| |
|
الذئب الاسود
المـديـر العـــام
المزاج : 
 عدد الرسائل : 4561
1000000
العمر : 37
تاريخ التسجيل : 10/08/2008
اقامه : جهنم الحمره
كيف تعرفت علينا ؟ : هو الي تعرف عليا
| | موضوع: رد: ابوذية الجمعة فبراير 13, 2009 10:01 am | |
| عاشت الايادي شعر يخبل و حلوو يسلموووووووو
تقبل مروري | |
|
