عاشق الهوى

تعال نحسبها .. ولو فيها غلط ؟.. لا تبالي
النفس طابت .. والقهر يسري بقلبي شره

وابي السموحه منّـك ,, ولو ما عذرت احوالي
من لي بالهدنيا عقب ربي يبرد حره

والحره بقلبي ياخوك ماهي بفقد أموالي
ولاهي بفرقى من لها داخل بجوفي جره

مير الفراق اللي لجى أشغل بكبره بالي
ياكيف باحيا دونها ؟.. ماني مصدق مره

عاشق هوى الشرقيه .. ومالي بداله غالي
أغلي هواها وحرها وأحوالها المفتره

مابي رطوبة جده وبرد الرياض ومالي
سوى شواطي بالخبر أفدى بها كل ذره

مشتاق لنخيل الحسا وذيك العيون آمالي
ومشتاق لأسواق القطيف آخذ عليها فره

ومشتاق لبقيق ورحيمه والحفر عزى لي
يا وجد قلبي يا سماه ويا حلاوة بره

ومشتاق للدمام واللي قد لفاها خالي
يبشر بطيب الفال والله وكل شي يسره

ومشتاق للخفجي .. وخل مسبب غربالي
من يوم ما رحت الجبيل وكل يوم أمره

ما مل من كل الطرق فيها .. ولو عذالي
ذاقو غلاها .. ما اسألوا ليه القميص أطره

وكان دمعت كل العيون اللي حضرت موالي
لان الغلا بقلبي ربى .. ماهو مجرد عره

هواك بلوه مابي منها علاج هبالي
يا روح روحي وياغلا داخل عيوني قره

الله وأكبر ياهوى الشرقيه ,, ويا والي
أرجع لها لانها على باقي المناطق دره