▯ حكاية بخيل يزور الشّام { العاصمة دمشق } ! ▯

{{ باللّهجــة السّــوريّة }}

مرة واحد كان عايش بضيعة ضايعة ـ سوريا ـ سمع عن الشام { دمشق العاصمة }

وقـرّر أن يزورها .. وبيوم من الأيّــام نزل عالشّــام وبلّــش يتفتّــــل فيها

بين الاسواق والمحلاّت .. هون و هون .

وهو بالطّريق فات بوحده من حارّات الشام القديمة

هذا من كتر ما مشي حس بالعطش ..

فكر أنّـــو يدق باب شي بيت بيطلب منهم يسقوه ..

بس بينو وبين حالو كان عمّـا يفكّــرويقول

والله بيحكوا عن أهل الشّــــام أنّــوا بخلاء وأكيد ما حدا رح يسقيني

المهم بعد حوار طويل مع نفسو .. قـرّر أنّـو يدق على واحد من الابواب

دقّ الباب فتحتلو وحده بتشبه فريـال حماتو لعصام

قلتلو : خير يا أخي شو بـدّك جايينا بطئة الشّــوب

قلها : الله يوفئك أنا غريب عن الشّــــام وعطشت

ودقّيــت عليكم الباب وقلت بَركي بتسقوني !

قالتلو : إي ولو مو تكرم عينك .. والله فاتت على البيت

وجابتلو زبـديّــة لبن باردة !

هذا أخونا ما صدق على حالو حط الزبدية على تمّـــو

وبدي يشرب بها اللّبـن حتّـى خلّص اللّبنات

قلها يسلمو إيديكي بس بصراحة ما كنت متوقّــع أنّـو تسقيني

قلتلو: أوف ليش بَئا ؟؟؟

قلها : لأنّــو بيحكو إنّـو إنتـوا بُخلا !

قلتلو: ولا يهمّــك .. بس هدول اللّبنــات جابون جوزي من شي

جمعه .. وسلتت فيهم فارة قلت لحالي منسقيك ياهم أحسن ما نكبهن

هدا لما سمع هيك من قهرو طبش الزبدية بالارض

قلتلو ولييييييييي عليك شو ما فيك خير ؟؟؟

فوق ما سئيناك لبن ..

بتكسّــر النونية تبع الولد ؟؟؟ !!

المصدر / منتديات .. عيـــون ..

» رجال بخيل كلش كلش
» ماشايف هيجي بخيل..أهع أهع أهع
» رئيس الاتحاد الآسيوي بكرة القدم يزور أربيل

إرسال الصورة

▯ حكاية بخيل يزور الشّام { العاصمة دمشق } ! ▯