الغربه ؟ ... هل هي نعمة ام نقمه

بيكم اليوم اكو موضوع ياريت نتناقش بيه والي هو حول الغربه اي هل هي نعمه يجد الانسان فرصه جديده للحياه بعيدا عن الواقع السيء الذي نعيشه في البلد ام هي نقمه في فراق الاهل والابتعاد والشعور المر وتغير النظام اليومي والعادات والتقاليد واللغه الجديده .... ارجو تعليقكم على هذا وخصوصا من الذين جربوا معنى الغربه واعطاء نصائحهم للناس الذين يودون السفر وترك البلد شكراا

شكرا لكي شكرا على مشاركتك وانا ابديكي الراي من هذه الناحيه نورتي صفحتي

موضوع رووووعة كلش حلو وبالنسبة الي اظن ان الغربة هي نقمة لان الواحد يعوف اهلة وناسه ويجي على بلد غريب وناس غربة ويبدي يتعلم على تقاليدهم وعاداتهم ولغتهم واكيد ولا واحد يريد يعوف بلده بس الضروف هي الي تحكم وتجبر الواحد على انو يترك وطنه
و مره ثانية عالموضوع كلش حلو عاشت ايدك يسلمووووو

موضوع كلش حلو تسلم
اني مجربه الغربه و اشوفها مرات احسها نقمه و مرات احسها نعمه لان احنا طلعنا من بيتنا مهددين و لمن جنا بعراق منو جان مئمن على حياتنا؟ محد عيشه ويه الاسلام صعبه صارت بالفتره الاخيره! صح اني ابتعدت عن صديقاتي و اقاربي بس عالاقل امن على مستقبلي عالاقل انام مرتاحه انو اهلي موجودين داير مدايري خلي نكون شويه صريحين اذا منو تسال يكولك احنا ما نحب الغربه و نريد نرجع عراق و اذا دكولهم رجعو ما يرجعون ! اذا جنا باقين بعراق وين جنا نوصل ولا مكان و الي عايشين هناك منو مستقر؟ محد فا افضل ابقى عايشه هنا لان احنا بحاجه للامان

و هذا راي تقبلو مروري
نفووو

شكرا لتعليقاتكم اريد ان اضيف شيى وخصوصا وانا في السويد وعائلتي بالكامل في العراق حقيقة بالعراق جنت اتمنى اوصل لهنا بعد الظروف السيئه الي عشتها ..صار انفجار بكليتي بالجامعه المستنصريه وماتوا 5 من اصدقائي وبعد فتره انخطف والدي لكن الحمد لله رجع وراها كرهت البلد كره مو طبيعي لكن من اجيت لهنا وخصوصا بالايام الاولى شعرت بمراره اقوى بكثير من الي شفته بالعراق وحسيت قيمه البلد الي هوه مثل البيت وشغله لخ شراح يطلعون اولادنا بالغربه اكيد راح يعوفون قوميتهم ولغتهم الكلدانيه السريانيه الاشوريه بالاظافه للعربيه بالنسبه الي ماكو احلى من طبايعنا وتقليدنا الي بالعراق والي متتعوض شكراااااااااااااااااااااااااااااااااااااااااا

عالموضوع الحلو يسلمو
واني اكول انه الغربه هي نقمه ونعمه بنفس الوقت هي نقمه لان الفركه صعبه حيل وخاصتا من تفارك اقرب الناس الك ومتدري شوكت راح تشوفهم اني مجربتها ابد مو حلوه واريد ارجع لان ابويه وامي هناك
بس بنفس الوقت هي نعمه لان بهاي الاوضاع محد ميكدر يعيش بالعراق لان الحياه تكون مهدده بأي وقت وصعب الواحد يعيش طول الوقت على اعصابه
و مره ثانيه عالموضوع الحلو

شكرا لمشارتكي ياقطر الندى ويوم الي تشوفين اهلج سالمين شكرا مره اخرى

هااااااااااااااااااااااااي الصراحة موضوع حد حساس الصراحة الغربة مو بس نقمة صدكني اصعب شي بالحياة هي الغربة بالنسبة الي الغربة اخذت كل احلامي وحياتي الجميلة والان الحياة في الغربة قاسية جد تقبل مروري وعاشت ايدك

عاشت ايديكي ونورتينا بمشاركتكي والله يكون في عوننا في مواجهة مصاعب الغربة شكرا جزيلا لكي

صديقي انا جربت الغربه 11 ولا زلت في الغربه واريد ان اقول لك الغربه ليست البعد عن الوطن وليست فراق الاحباب وليس لها اي معنى الا اذا كنت غريب داخل نفسك , تعرف هناك من هو غريب بداخل وطنه وفي بيته , وهناك غريب بين اهله واصحابه البعيد عن وطنه ممكن بعد زمن سوف يعود والبعيد عن اهله واحبائه ممكن ان يراهم وان يجتمع معهم ولكن الذي هوه غريب داخل نفسه لن يجد اي شيء يعزيه
ولك جزيل الشكر على الموضوع

شكرا لتعليقك عزيزي نورت الصفحه

امين وهو كذلك ياعزيزي وربي لا يحرمكم من بلدكم مصر الغالي عنا