ياحكومة ..

ياحكومة

ياحكومة ليش الشعب يصرخ وانت ما تسمعينا

واجيال تتذبح امامج وانت جنج ما تشوفينا

ليش ياحكومة جنج تكرهين الشعب وما تريدينا

كبل جنا نمشي بزودنا والحكومة بضهرنا تحمينا

وهسة يا حكومة ابشرج حامينا طلع حرامينا

غزلان ياكلون الجماعة وانتو طحين الحصة كاطعينا

نسمع بالنفط والغاز واحنا ريحته حتى ماشمينا

والكهرباء .. ما احجيلكم عنها وشكد منها عانينا

والماي . ياسلام عالماي كله كوليرا وبيه ريحة مجارينا

لا واليضحكج ياحكومة رواتبكم بالكواني ومكفاكم الخمط الخامطينا

وغيرتي حتى الشعب وتغيرت وياه اسامينا

كبل جان يسمونا اهل الغيرة والكرم والاخلاق وكلها تدرينا

هسة صارت ارهابية وميليشيات وعلاسة وصكاكة وتغيرت معانينا

ياحكومة الشعب هاجر وتهجر وصار لاجئ وراحت كل امانينا

ولج ياحكومة حتى نجمات العلم تهجرت وعافت اراضينا

كراسيكم بدماء الشعب مصنوعة والله بيكم بالينا

اسف ياحكومة حجيت اللي بكلبي بس هذا حاضرنا والله يستر من تالينا


بقلمي

حجّتهم إستقرار مامش بالبلاد
تانونه عشر إسنين ونضوي بغداد

شكرااااااااا اخوني ذاكر على القصيده الحلوه هي هذه حاله الحكومه

تحيتيــــــــــــــ