مجنون ليلي في بلاد الفراتين <تحشييييييييييش>

مجنون ليلي في بلاد الفراتين <تحشييييييييييش>

ذكرت في كتابي الملاحم والفتن قصة قيس وليلى الاصلية الخالية عن كل الافتراءات والشبهات التي قد قيل عنها ::
هاي قصة قيس وليلى بس بالعراق(بالوضع الحالي(خالي لو عمي)
(ليلى) قيس إبن عمى عندنا...يا مرحبا يا مرحبا
قيس:- كم جئت ليلى بأسباب ملفقة...ما كان أكثر أسبابى وعلاتى
ليلى:- لك احجي عدل لا تلوص كول شتريد
قيس:- امي تسلم عليج وتكول بلكت تترسين هاي الجوله نفط لان خلصنه غاز
ليلى:- البرميل فارغ بس اذا تريد عندنه حطب بالحديقه
قيس:- ابوج وين يولي
ليلى:- طلع من الصبح لازم سره عالبانزين
قيس:- يعني اني وياج هسه وحدنه
ليلى:- والشيطان دايح ويفتر يمنه
قيس:- ان لا افكر في امور كهذه
ليلى:- ليش يابة متفكر شنو كالولك عوبة اني....ما اشبه البنات اللى انت تمشي وياهم
قيس:- مو هيج الحجي.....
ليلى:- (تقاطعه)بروح سعاد حسني اذا مستعدلت يا قيس الا احرك خيمتك بگلن بنزين
قيس:- على كيفج يابعد مرتي وجهالي ويطلع من جيبه حامض حلواية ديقشمرها بيها
ليلى:- (فى دهشة) تريد ان تقشمرني بحامض حلو يبن الكلب الاعور!!
الأب:- (يدخل الخيمة ويفاجأ بوجود قيس) قيس!!...هنا مع ليلى...وامصيبتاه...فلتمطرى ياسماء ب بلوك ابو العشرين على راسي وتموتني
ابوها :- ولك قيس إنت شسوي هنانة لكم جيبولي الرشاشة اليوم انعل والديك الثأر الثأر!!!!!!!!!!!
قيس:- لك عمي مياخذ الثار الا العارنيااااااااااااا
بهل الاثناء ليلى خاتلة ورة البعير عدهم بعير دبل قماره
الأب:- (فى إنفعال) أين ليلى...ليلى...ليلى
ليلى:- (اجتي ركض) أبى ...ماالذى أتى بك مبكراً...إنت مو قولت (علساس فصحة)
راح تلزم سره
الأب؟- وصلت يم البوزرجي وكالو خلصنا بانزين !!
ليلى:- زين ليش مرحت تلعب بليارد
الأب:- (مجان عندي غير 1500 دينار بيها ساعة انترنت)
ليلى:- تباوع الى قيس وتكلة ضل يا قيس على الغده مسوين خوش مركة فاصوليا تنفخ عشيرتك
قيس : شكرا لذيذا يا ليلى اكلت لفتين من الفلافل اليوم واخاف عندما اكل الفاصولية لا تقدروا ان تنامو من صوت الاشتباكات التي تصدر من خيمتي .
الأب:- (لقيس) اكلك لك ياقيس .... إنت مراح تزوج ليلى مو انفضحنة كل يوم تتشاوفون يم الخياطة واني مغلس
قيس:- انشاء الله يا عمو بس استلم السلفة اول وحده راح اتزوجها ليلى.
الأب:- اذا يا قيس امشي اشطح من امامي احسنلك كبل ما اكلب جهرتك...... واسمع
كله لاابوك ابو حمزه توفى انفجر عليه صنم ملغوم في سوق عكاظ
مو تنسى ولك اثول
قيس:- حسنا ياعماه الى القاء
ابوها:- وعمى العماك وروحه بلا رده

زائر

ههههههههههههههههههههههههههههههههههههه اخ عراقيين ما يشبعون من تصنيف والله كلش حلوه احلى من القصه الاصليه ( عالاساس اني جنت قاريتها الاصليه) لووووووووووول

كلش حلو حبيي اي جيبينه هيجي شغلات اني شكد ادور عليهم ما الكاهم لوووول