قـطـار الشـوگ

نازل يا قطار الشوگ ذبنه وصلنه ديرتنه

هدهدنه الطريق ابعيد وابعَدْ مِنّه عشرتنه

يا گلبی التعب ميفيد ياما اسهرنه و بـچینه

نَحرنه ادموع فوگ ادموع و غرگنه بمأسینه

بِعْنه ارواحنه للحب رخيصه و ما توانينه

و لجل اعيونهم ظلّتْ اعيون الليل تربينه

انخاف إنّام لّـيْمُرْ ليل يتصوّرنه مـلـّينه

و تالي مثل غيمةْ صيف راحوا نسوا ماضينه

و رجعنه يا قطار الشوگ نسآل عاللّي ناسینه

عجزنه عن مشي الرّجلين و مشينه على ايدينه

تعّبنه الدّرب و الناس حتى الگاع ملـّتْنَهْ

نازل يا قطار الشوگ هدهدنه الطریق ابعید ....


نازل يا قطار الشوگ أيّسنه و بعد هيهات

نحظه ابشوفه من عِدهم ترجعلنه عمرنه الفات

تقبل كل عمرنه ايضيع بين الدّمع و الآهات ؟

ليش اللي تحبه الناس يفرح لو سمع حسرات ؟

يا گلبی بعد منحب و لو يهزنه سحر وَجْناتْ

كافي انعيش عالمجهول ييزي انحبْ بَعَدْ حلوات

اشخلّوا بينه ذوله الناس حسدونه على العبرات

حسبوا كل سهرنه افراح ظنوا كل حزنّه مات

ومن گلنه القطار الشوگ نازل كلهه حسدتنه

نازل يا قطار الشوگ هدهدنه الطریق ابعید


حسبنه اتظل محبّتنه حلم نغفه و یصحينه

حسبنه الليل ميظل ليل بالحسرات يطوينه

حسبنه نهر طيبتكم ايتيّهْنَه ابّساتينه

لكن ضاعت الآمال حفنه ارماد و الريح اشتفت بينه

و رجعنه انعد ليالي الشوگ یا گلبی

و مثل ما رحنه ردّينه . . . ردّينه

عاشت يدك خوني على الشعر الحلو

شعر وكلمات روعة تسلم يدك

تحياتي

رووووووووووووووووووووووووعة احسنت اختيار ككي مارتن تسلم ايدك عاشو ابن منطقتي

نورتوني حبايب
لمرورج يا احلة شمعة بل منتدى
تسلم ككي عاشق علة ردك الحلو يا حلو
برنسيسة علة ردج الحلو
تحياتي الكم مارتن الالقوشي

واو كلش حلووو مارتن
ابدعت

عاشت الايادي يا