حچيك دفو

حچيك دفو و ضحكك جمر نار و شمس وكت الشته

عينك بحر . . تغري النظر باگت دليلي و هزّته

مشيك ردس . . ماخذ درس من الغزال و مشيته

إسمك دوه لاهل الهوى بين الجوانب كتبته

حن يا ترف و انت الولف . . روحي لجمالك حبّته

لا لا تصد وانت الورد . . بستان گلبي بدنيته

چان الزمن گبلك محن هسّـه ينور بزهرته

ما چنت أظن آنه الأون أحوى التمر من نخلته

بان الأمل فرحي اكتمل و اصبحت نوره و شمعته

يمي اگعدت و تسامرت من عمرك انت و قصّته

و شعرك يرف فوگ الچتف و گلبي يرف برفته

و حچيك دفو و ضحكك جمر نار و شمس وكت الشته

مرّ الوكت راح الوكت ما چنّه مر بجيته

و حسرة نهد تمضي و ترد و بنص دليلي شتلته

دمعة جفن تجري بحزن لامست خدي و لسعته

مع تحياتي

و توادعت گال و گلت محلاك يا ليل الشته

عاشت الايادي على الشعر الحلو

شعر وكلمات حلوين خوني ابدعت

تحياتي

وااااااااااااااااااااو عاشت الايادي ابن منطقتي تسلم ايدك ككي رووووووووووووووووووووعة


مرّ الوكت راح الوكت ما چنّه مر بجيته

و حسرة نهد تمضي و ترد و بنص دليلي شتلته

دمعة جفن تجري بحزن لامست خدي و لسعته