احمد المصلاوي - الحكومة

- - - - - - - - - - - - - -
- - - - - - - - - - - -

منج ياحكومة انريد غير احساب هالمرة
نريدج دوة للمرضى نريدج خبزة للفقرة
نريدج خيمة نلتم بيج كلنا الجوة والبرة
نريد احنة الجواز ايصير هيبة وبالدول يقرة
نريدج للعراق انتي امانة وصحتة وسترة

- - - - - - - - - - - - - -
- - - - - - - - - - - -

الحكومة انريدها ويانة تعرف همنة وتحسة
مو بس ننتخبها احنة لمن تستلم تنسى
طالب ياحكومة انريد ماينشغل عن درسة
نريد احنة العراق يظل بطل يتفاخر بنفسة
محد يجرح بكَلبة ومحد خاطرة يكسرة

- - - - - - - - - - - - - -
- - - - - - - - - - - -

تحضنة الحكومة انريد حتى الشعب يحضنها
مو تكعد على الكرسي ونظل نشتكي منها
نريد منها تقربنا بعد ما نبتعد عنها
من تطلبنا انصير كلنا اركَاب نضمنها
الي يجيبلنا الامان احنة نفدي عمرنة لعمرة

- - - - - - - - - - - - - -
- - - - - - - - - - - -
شمعة المنتدى