اتعنالك لو مدري شيصير

لو ترش مو تيــزاب لو تزرع ألغــام
اللحم خلـه إيروح أوصلـــك إعظـام


ويا النجم سهران وايدي أعلى خــدي
الليل أو ظلام الليل شو كلها ضـــدي


إشما تقول الناس عندي أنته لول
سو كلشي بالدلال يالحلو مخـول


شحجي وتريد الناس من عندي أحجـي
دمعتي إبطرف العين بس أحجي أبجـي


بيدك ضيعت ذيك الليـــالي
وبلحظه ما أجى أبعينك دلالي


شقيت ثوبي أعليك وصلته للنــص
جاوين قلبك أو وياي صاير مثل جص


لاتهتم على الراح وي همك الراح
والعالي مو بالطول بالصبر ينلاح


يسألني البطران حالك إشلونــه
الغاضب الله إعليه هم ينشدوونـه


عبالي طيب زاد واعطيتك اعيون
تالي توج النار ويا اليكرهـــون


سبحان امن خلاك تقسي ابغرامك
جانك اتداوي اجروح رقت كلامك


لدنيا بس وياي شـدت عـــداوه
ولا واحد إمن الناس لجروحي داوه


الدنيا ماتسوة لاتصفن إلهـا
عالطيب والمزيون يكثر حملها


بالك تمر بالدار عنها أشمر ابعــيد
دار العزيز اهواي نوح أو بجي اتريد


عمده ارد امر بالدار والنوح ازيده
واسمع صداها يقول راح التريده


حسـره إلك بالدلال ظـلـت لما أمـــــــــــــوت
ماتدري حقها الناس إصوابي بسكـــــــــــوت


كـلبي أرد أكـصه إبموس وأكوي إبمكانه
علمني إعله درووب كلهن مهـــــــــــانه

مما راق لي شمعة المنتدى