الليلة انا والدمع

ألليله آني والدمع

<BLOCKQUOTE class="postcontent restore ">

ألليله آني والدمع حالف يمين
أي والله اني والدمع حالف يمين
نكظيه سهره للصبح
ونسولف على ايامي الراحت والسنين
عجايب يا دنيه انتي عجايب يا مرخصج
وبراس الغشيم رخصج ثمين
ضاع زينج وسط الشين وتاه بين الظنون اليقين
انزل يا دمعي انزل وصب بحركه على الخدين
شوف الزمان شلون يدور وخلانه نتلاكه
وشوفك دوم يا دمعي وسط العين
الليله ليلتك يا دمعي نسولف على ضاع وسط دروب المحبين
مسكين هذا الكلب يسولف على همه بدموعه
شارد اكولك يا كلبي غير الله يعين
صرنه بس نسولف على دروب الهوه وشلون بيه متهنين
وهسه صار البعد لا ينطاك ولا ينجرع
وصرنه عن دروب العشك حيل بعيدين
ون يا كلبي ونوح ما الك غير هلرفجه وتونس الروح
ما بقه وما الك محصول غير الونين
ضاعت سنينك وشيب الراس على وكت
لا تسولف ولا تكول لا تالي ولا بعدين
هذا حالك لا تحاول تغيره
من يومك مهموم وحزين

</BLOCKQUOTE>