جبت جرحي

جبت جرحي على جرحك جيت عناي

أصوغ من الجرح مرهم يداويك

كتلي جنة أصيرن رغم الجروح

شمدريني تحب دوم اليجويك

تهوى أنت الجمر و لغيري الك روح

أي غير تكلي حتى بنار أخليك

أمشي على الجمر و تحتي النار

ملعون اليبجي يمك و يطفيك

الشفته من غيري كلي شنطاك

مشاك بدرب أظلم و غدر بيك

أنبكت مني غفل و هم حبك أنباك

جذب .. أنت الرحت و بهاي رجليك

عيوني فراش الك لو تغفى و تنام

و من تبرد حبيبي بجفي أغطيك

أجر جدمي على دربك و أمشي تعبان

كل هذا و أكولن بلكي ألاكيك

لاكيتك و شفت غيري المشى وياك

لو منطيك عمره ما يجازيك

راويني شعمل بيك أنت الفراك

ولك بالله على بختك خلي أراويك

إلي جرح اليكل للثاني لا لاتنام

بس تنام صدك هسه أصحيك

ما غزر ملح لا زاد لا ماي

ما غزر حناني وياك شنطيك ؟

خلص دوري بعد ما أمثل وياك

خل يمثل وياك اللي غدر بيك

أبدي الماي لو صرت أنت الماي

و أكص جفي لو ما راد أبديك

علي لساني حبيبي جانت تلوك

هسه تلوك للخاين يسميك

جفك من رماني بسهم الفراك

تيهني السهم كتله أني أدليك

خجل مني السهم من شاف الجروح

صرخ .. كلك جرح لك وين أءذيك

صرخ .. كلك جرح لك وين أءذيك

عاشت الايادي خوني على الشعر والكلمات الحلوة منك

شعر جميل وكلمات حلوة عاشت يدك خوني

تحياتي الك

شكرا لي مرورج شمعة نورتي وطبعا شكرا لي مرورك اخوني قاهر الحب دومك منور خوني

عاشت ايدك ليث الابيض على الموضوع الرائع يسلمووووووو يا