حرت شكتب ياقصيده حرت شكتب يا كلام *** أنت لو تعرف معزتك جان ليلك ما تنام
لو ردت أعد أعزاز لا ترفع أيدك *** هي المعزه تكوم وتكول أريدك
مغيم دليلي عليك يمطر الك دم *** لا يرضه جرحه يطيب لا يرضه يلتم
أكطع وأجيك باليل وتعاتب وياك *** ملهوفه كلش حيل روحي على ملكاك
ليش الفرح لحظات والهم ليالي *** هو الفرح ممنوع لو سعره غالي
ليش انت هيجي وياي تجرحني دومك *** تدريني احبك حيل من خرب يومك
القلب لو ينساك للسوك اجيبه *** واكتب عليه للبيع خاين حبيبه
يالعلمتني اعليك يصعب غيابك *** كل العذاب ايهون بس لا عذابك
انطيتة كلبي انذار اشحدة ينساك *** وبكل صباح الروح تتمنة ملكاك.
ضلمه ومنع تجوال وامريكا ورهاب *** ترميشه من هواي يلكاني بالباب
شوف شكثر تهواك روحي وتريدك *** تتمنى كون تصير دم. بوريدك
لا بيك جيه وتجي ولا بيه حيل انساك *** ضلينه بس بلحلم نتلاكه انه أوياك
اختكم اميرة