قصة حب على شكل دارميات

ااكو فد شخص ينتظر بنية تروح تجيب مي من الجدول..يومية..وبهذا اليوم قرر يحاجيهة...وكال..

حني يبنت الناس مرة اعلة حالي***صدكيني آنة اهواج وانتي بخيالي

ردت عليه..وكالت..

لاحن ولا اهواك ماعرفك آنة***لاتحجي بعد وياي كافي ميانة

رجع المغرم وكال..

ما اكدر آنة اساج صرتي انتي روحي***وبلمسة ايدج هاي تذبل جروحي

جاوبتة البنية بهذا الرد..

امشي يخوية وروح والعن ابليسك***مو سلعة آنة وجاي ياخذني جيسك

جاوبهة المغرم..

مو سلعة انتي ادريج انتي حياتي***واتمنة يمج كون يحصل مماتي

كررت البنية كلمة خوية وجاوبت..

كافي يخوية وروح وابتعد عني***تلكة بنات هواي حتى احلة مني

كال المغرم..

من بين كل الناس كلبي يريدج***وسلمت هاي الروح ياحلوة بيدج

بدت تمل كلامة البنية وردت..

أيس يخوية وروح لاتاذي كلبك***ماريدك وماريد ياخذني حبك

رجع صاحبنة المغرم..وجاوب..

هيجي يبنت الناس صعبتي امري***دمرتي حلم الروح ضيعتي عمري

ضاجت البنية كلش وجاوبت بعصبية..

ماريدك وماريد كربك الية***آخر كلامي وياك حبتك حية!!!

رجع المغرم بعد الصدمة...وكال..

اقبل كلامج هاذ بس ما اعوفج***يومية اجيج هنا ويومية اشوفج...!!!!

رجع المغرم يمشي علة اعصابة(مو علة رجليه...ههههههه)

ورجع يتمنى قبولها........بس هالمرة منو بدا يحجي؟؟؟؟

هية بدت بالكلام...وكالت...!!!

ها خوية شو رديت شنهي القضية......مافاد حجيي وياك ذيج المسية

جاوبهة المغرم بلهفة...

رديت الج مشتاك صدكي يحلوة........عتني عليج الشوك مو بيدي كوة

طلعت البنية بعد كل هالهوسة تحب الصراحة!!! وكالت...

سولفلي قصتك كول حلوة الصراحة.....انتفع بيهة هواي واشعر براحة

سولفلها صاحبنة المغرم بصراحة تامة وكال.....

حجيي الصريح وياج آنة هويتج........واليوم اجي خطاب واتعنة بيتج...

من سمعت بيهة خطوبة البنية.....لانت شوية....وكالتلة كلمة...عيني!!!!

هلكد يعيني تفيض شوك ومحبة......طيب وعالاخلاق كلبك تربّة....

خطية مغرمنا.......بدة ينتظر الرد الصريح....وكال...

ها يبعد هالروح ما جاوبيتي.......كافي شلاع كلوب كولي رضيتي...

جاوبت البنية...

والله رضيت اهواك اسرني حبك.......واتمنى اعيش وياك واتمنى كربك

جاوب المغرم بعد كل هالعذاب....فرحان ومرتاح...وكال...

همي يحلوة انزال من هالمودّة.........غيم الحزن والآه بيدج تعدّة...

ضحكت هية وكالت......(شوفوا بدة الاستغلال...!!!!)

يلة دشيل الماي خلينة نمشي......صرنة اهل واحباب وانتهى كلشي.,.,., قصة حب على شكل دارميات 358906

هههههههههههههههههههههههه قصه حلووة شمعه المنتدى ابدعتي ورده

تحياتي

عاشت ايدج نداء يا ورده دومج مبدعه

تحياتي

.,.,

شكرا هاني و اشكم نورتوني ب ردود الحلوة. قصة حب على شكل دارميات 283371

,الله يحميكم ا حلوين

زائر

ههههههههههههههههه
عاشت الايادي ندوش هاي كلها شعر بشعر

hhhhhhh tslm ya wardaa,. ,asadny mrork al hlo

زائر

تخبل حبي
والله كلش عجبتني احلى شعر هو شعر عراقي حتى لو بس حجي يحجون تحسي كوله شعرر

كلش عجبني لبيييييييي

عاشت ايديج حب

thanks lby nony, .,norteny b rdj al hlo., .,mshtaqtlj heaty
tslmeen wardaaa

واو حلوة شمعة هاي الدارميات تخبل شكرا قصة حب على شكل دارميات 765413

ياعيني شنو من قصة وجمالة على طراز الدارمي شي توب منج شمعتنا الغالية
ابدعتي ودمتي تألقاً وأبداعاً
ولتظنين يا شمعة يابنت الناس موضوعج ماعجبني
بقيت اقرى بكل كلمة بيه والوقت كلة ماهمني
وهذا الكلام مني هدية الج على موضوعج المميز
وطبعا من كتابتي هاااا
تقبلي مروري

ههههههههههههههههههههههههه اشكرك يا ابن الناس لا تضن ردك ما عجبني اشكرك و هلا بيك و يا لا شيل الماي و خلينا نمشي و نروح لل منتدى ههههههههههههههههههههه اسعدتني ردودكم و اشكرج حبيبتي دمعة القلب الحزين و نورتي الشعر الدارمي ههههههههههه

» دارميات 1
» دارميات
» دارميات للعشاق

إرسال الصورة

قصة حب على شكل دارميات