ليل السويد ... شاعر على ذمة التحقيق

هرب من جلد الطغاة وقسوتهم ...وقع بين ايدي المخابرات الغربيه ...انتفض ...شاعر على ذمة التحقيق .

وطني ؟
انه دمعه بعين طفله وتبجي دم
انه ليل وليل مستاحش عليك وكلي هم
انه شوك ومن زغر بسنين هجرانك تيتم
انه طيف؟
ومر على عيون اليتامه وعالحزن منهم تعلم
انه يااخر قصيدة
وكل حرف قصه طويله من الالم
انه حته الجان بيدي انباك من
ومني باكو حته عيدي
وضاع كلشي
وصار عنواني الحزن والون بريدي
حاصروني
بليل اجوني
خذو جنسيتي القديمه ..اطوني جنسيه جديده
استدعو اوراقي القديمه...وحققو وي القصيده
اطوني ورقه ..كالو اكتب بيها لاجيء
والصبح نكتب..عراء ..يعني سويدي
رادو يغيرون اسمي
ورادو اينسوني حته نشيدي
وطن مد على الافق جناحا...وارتدى مجد الحضارات وشاحا
ياوطن وخلاف عينك ماكو راحه
ومومثل ليلك تره ليل السويد
ولامثل صبحك صباحه
حاولو وياي مره ..وبعد مره
كالو اشرب
بيره من ارقى المناشيء
لوتريد نجيب خمره
كلت لا مشتهي فنجان كهوه
كهوه مره
بيها ريحه من العراق
وبيها داخل من يغني بطور شطره

اون وادري بونيني الصخر شطراه
على المجفي ونكر بجفــاه شطراه
شجاني شجاب ذكره علي شطراه
الوجن كمت جالمكروص حيـــــه

حاولو وبكل طريقه
رادو يدفنون اسرار الحقيقه
كالو اكتب موعراقي ..وبيدي اشك اجمل هويه
ومن كتبت اسم العراق ..شكو الورقه البديه
وباكو من ايدي القلم
وهزني شوك اسمه العراق
وجفل ضلوعي الندم
وصوره لامي
صارت اكبالي شكبرهه
ودجله بعيوني انرسم
وصبحت يم السفاره
وكمت ابوسن بالعلم
وعالسفاره اذن بلالي
ياعراق انت الوجود
وكلشي من بعدك عدم

شكرا لك بغدادي واسف لان مكاعد اتواجد كثير حتى ارد على مواضيعك فاقبل مني نحياتي وامنياتي
الف الف شكرا اليك صديقي
هذا حال الغربه والله كريم

رائعه هذه الكلمات وتعجز احرفي ان اشكرك

كلمات في قمه الذوق الرفيع
تبوح هنا بنزف واحساس اجمل
يحسها قلبك
شكرا لاناقه قلمك . .
اتمنى أن أرى بوحك اكثر ..
هنا اقف احتراما وتبجيلا ً لما خطته يمناك

سلمت ... تقبل مروري المتواضع و دمت بود...