المزاج : عدد الرسائل : 1250 10 العمر : 74 تاريخ التسجيل : 19/03/2012 اقامه : المانيـا كيف تعرفت علينا ؟ : بواسطة Google بامكانك كتابة رسائل sms هنا او حكمة اليوم او شعر قصير او خاطرة قصيره
موضوع: 絪 شـــــعر شـــعبي عـن بصـرة الحبيبـة 絪 الجمعة يونيو 15, 2012 4:42 pm
علمني الوكت من أحچي طـگ بطـگ ومازامط چذب لو چـان مابيه ولو ساكت أظل لو أحچي چلمة حگ وما أمشي ابدرب مجهول تاليه ماگلك غشيم ولآنه المدگـدگ أفرزن بالحچي وأفهم معانيه ولساني عدل والكلمه ماتزلگ والجمله بشفافي تصير ورديه الرابي ويالبدو بالبن مايشرك خوفك عالكبر وبحلگــه مميه شفت ناس شكثر ماتمشي بس بالدگ وشفت ناس اعلى راسي اتصير بيريه آنه ابن التفگلوصار وكت الطـگ وآنه ابن الكرم لوضيف مر بيه ابن شط العرب سباح مايغرگ وأببحر الشعر يرسن قوافيه ابمنگار الصگـر شديت رجل الرگ لان شفت الصگر عالي بشواطيه عذري الهوى صادق إذا اعشك وإذا افكر أحب كون الا بصريه لأن حتى الصخر بالبصره هم يعرگ وتراب الشوارع يحچي أبوذيه من حقي أفتخر بالبصره ساسي اندگ ومن دون الاسماء البصره علويه من صار الوطن بالعيد وجهه ازرگ ابدم اكبر ولدهه اتبرعت هيه البصره أم ولد بالعيد ماصفگ لأن انطه لبلاده جفوفه عيديه أفصل الليل شيله وشرط ماتعتك وأصوغ امن الگمر للبصره ترجيه بالبصره واحن للبصره والهه اشهگ ومابدل الدنيه ابتمره برحيه وسلامتكم .
الإثنين فبراير 13, 2023 6:46 pm من طرف 
