جذاب اليكول الحب بالبعد مكتول

جذاب اليكول الحب بالبعد مكتول
لان روحي وية روحك دوم متوحدات
صح غايب عليك وعنك انا بعيد
بس قلبي وية روحي يمك كريبات
وصح عيني بعيدة وما تشوفك دوم
بس الاشواق هي توصل النظرات
تعلمت العشك منك وبيه اخذت دروس
وبحبك جبت اعلى العلامات
افرح من اشوفك وانسى الاحزان
وتبدد شوفتك كل حزن واهاااات
تفهمني من اريدك واعرفك شتريد
مايحتاج تحجي بس اشر اشارات
حرت شكتبلك انا وبيك انا احتاريت
لان تاه الشعر وكل العبارات
شعرك لوسمارك لو كبر العيون
لان لكل جزء بيك احتاج كعدات
نظراتك حضارة وشفتك التاريخ
وحدر جفتك فرات ودجلة ملتقيات
وشعرك ليلة ظلمة توحشت للنور
لوطولك حبيبي وخصرك الملفوف
عديت الحسن وكل القياسات
لذلك اعتذر منك وانا الغلطان
كلماتي التوصفك حيل متكسرات

ككي مارتن اول شي منور كل المنتدى ابن منطقتي وثاني شي اسفة الموضوع مكرر اشكرك على جهودك اتمنى ان تتواصل ويانا ككي https://alqosh.all-up.com/montada-f54/topic-t15175.htm?highlight=%cc%d0%c7%c8+%c7%e1%ed%df%e6%e1+%c7%e1%cd%c8+%c8%c7%e1%c8%da%cf+%e3%df%ca%e6%e1