الشعر الدارمي

ليالي السود حته اسمي محنه
بسبب دهري علي ارجف محنه
حبيبي شبيك ما عندك محنه
ولك بس بالنفاهه تمر علي
*****
احبك من قلب ولسان ينسام
وجمالك بالذهب والمال ينسام
انه بسمج اريد القلب ينسام
لان اسمج يرد عافيتي اليه
*****
ما شايف مثل شكلك ولا ماس
انت اللا ذهب مثلك ولا ماس
انه المابيه نص طقه ولا مس
صرت مجنون من نظرك اليه
*****
اعد اجروح قلبي مايه عدي
ولهسه الفرح صدّك مايه عدي
اكل للحزن عدي مايعدي
يدوس اعله الجرح ويعم عليـــــــــــــــــــــــه
*****
حبيبي خلاف عينك مالمعنه
واسألك هذا قلبك ماله معنا
الحجي كله بغيابك ماله معنى
لانك بالكلام اتذوب بيــــــــــــــــــــــــــــه
*****
بعد قلبي يحب شخصك ولا ايميل
اولااظنه تعب منك ولا ايمل
اذا كطعو هواتفنه والايميل
بطرك القلوب نتراسل سويه
*****
بليل وصبح طيفك لازماني
طحت لنتة ارحمتني لازماني
شوكت تدريني اشوفك لازماني
اصير اجنازة بلجي اتمر علية