اريد وياك افتح باب العتاب

اريد وياك افتح باب العتاب
واكفر بالعشك لو كتلي سده
تنام بلا مخده ويخلص الليل
وانا كلساع شابكلي مخده !!
صاير ماتحس كلش هالايام
وحيل اتغيرت بيك الموده
تجر كلبي وتحبسه بطرف الرموش
لاعينك تشبكه ولاتهده
رد كلمن يجيلك جنحه مكسور
بس مكسور خاطر لاترده
ولو خصرك سفينه وصدرك شراع
وتخدر كل هوى بصدرك تصده
بس لا تنتفخ كلش على هواك
لانغرك ولك يافراوله تهده
اني شكد اجيتك !! كفر الباب
من كد ما الي تفتحه وتسده
وانته ولا اجيت بيوم يهواي
حتى بالعشك كاضيها خده ؟؟
هاي وياك صارت وحده يهواي
وامس بالليل هم مطلوب وحده
كلش شي الزين بيك وكل شي مو زين
حجيته وبالهوى ظليت اهده
اشوف الزين كله لأذنك يروح
والمو زين من يمك تعدى
يسباح الشواطئ شبدلك شوك
ليش اتغيرت !! مو جنت ورده
وكل الناس كالت هذا يهوك
وعليك يدور وجهه شما تعدى
كلت لا جي حلو مو هوه اليدور
خده يدور حتى يبوس خده
وجناتك شمس تحرك بالكلوب
والمايحترك يحترك جده
احترك جدي بهواك وشيب الراس
نسيت شلون كل ذيج الموده ؟
شتكل للناس ؟؟ مايعرفني جذاب ؟
ولا شعري لعب جوله على زنده
وانا الجافي العمر من فتحة الزيج
والليمون فوك جفوفي نده
اعددلك شكو بجسمك مسامات !!
واسميهن بسمهن وحده وحده
مو اني الخلقتك وانفخت بيك
بس الخالقك ظليت اعبده
تذكر من جنت تشابك وياي
شعرك روج احسه وجتفي سده
يشدني وارده اشده ومااشد شي
لان خيط الشمس محد يشده

وااااااااااااااااااااااااااااو
ياخبشتا دالقوش
يعني من اسمج خبشتا وكلمه القوش وانتي خبشتا
يعني
عاشت ايدج يابنت القوش الاصيله
وموضوع رائع من اروع ماشفت
انتي متالقه
تحياتي
عاشق هيثومي

اريد وياك افتح باب العتاب
واكفر بالعشك لو كتلي سده
تنام بلا مخده ويخلص الليل
وانا كلساع شابكلي مخده !!
صاير ماتحس كلش هالايام
وحيل اتغيرت بيك الموده
تجر كلبي وتحبسه بطرف الرموش
لاعينك تشبكه ولاتهده
رد كلمن يجيلك جنحه مكسور
بس مكسور خاطر لاترده
كلمات روعة يا خابوشتاد القوش **روعة ابدعتي الج ياحلوة

حبيبتي عاشت ايدج عالكلمات الحلو دومج متالقه بمواضيعج لبي

تقبلي مروري

ت
ح
ي
ا
ت
ي

عاشت الايادي خبشتا
شعر رووووعة
كلمات كلش كلش رائعة

» اريد وياك اسولف ولاتزعل ارجوك
» تضن عنك بعيد وانا وياك
» للموت أظل وياك

إرسال الصورة

اريد وياك افتح باب العتاب