مــا تــسأل عليـه وأنه شـاريـك,,,وانته اتشوفـني ومــتـكَــولي شلونك
وضـحــلي السبـب الله يـخلـيـك,,,لــتــخــلـيـــها سكـته فـدوه لعـيـونك
تسمعني ابرفيع الصوت اناديـك,,,وساكــت انــته مــتـحاجي الينادونك
انته اتشوفني ما حاجه اراويـك,,,اثـر سـهـر الليـالي الصار من دونك
رغم كل اليصير ابكَلبي اخليـك,,,لان تـدريـني أنـه اصـبحت مجنونك
يــاغايــب بعد كل جيه ما بيـك,,,واتـــزيـــد عـــذاب اللي يــودونــك
اذا زعلان كَلي وأنه اراضيـك,,,عـلـه نـفـسي اصير وانـكَـلب عونك
واذا رايد حياتي مـبخل اعليـك,,,روحـي ونـاظري والـكَـلب يـفـدونك
وبكل وكت ادعي ربنه يحميـك,,,ويــرجــعــك علــه النـاس اليحبونك
كـل يوم اليمر الـهـج ابطاريـك,,,ولـتـظن بـالاحبـاب ابـيـوم يـنـسونك
كَـطع بالكَـلـب ماكَـلك اشبـيـك,,,اذا يــرضيـك مـا اكَـلك علـه هـونك
كَـول اشردت مني أنه انـطيـك,,,بــس يــوم النــواظر خـل يشوفونك
اذاعطشان من اعيوني ارويـك,,,بــيــابي الـعــــيـــن تـتعنه ويروونك
اوبـرمـوشي اذا تـبرد اغطيـك,,,امــوت أنــه بــرد بـس خـل يــدفونك
أنــه اقسمت عمري ما اجافيك,,,واصيـرن شـوكـه بـعـيــون اليجافونك
اعرفك حيل طيب ما اوصيـك,,,انـتـه الـرقـه والاحساس مـضـمــونـك
ليش اتعوفني وكَلبي يحن ليـك,,,ســألتــك جـاوب وخـلـهــم يـسمعونك
الناس اتريدك اتجاوب تحاجيك,,,ومــنــتــظريـــنــك وكــلـهـم يـتانونك
وأنه اعله الجمر واكَـف اتانيك,,,واصيـح أنـه صرت يالغالي مـرهونك
تـظـن بـاللي يحـبك يوم ناسيك,,,اذا دهـــرك قــسه وعــنــه يـغـيـبـونك
مــا انــسـاك واتـمـنـه اماشيك,,,اريـــد اســمـع تـكَـلي الناس خـيـعـونك
واذا هذا العـذاب البيه يرضيك,,,عـــذبـــنــي وابـــد ما اخـيـب اضنونك
أبعذابي ارتاح لو مرتاح ادريك,,,وامــوت من الـقهر لو يـنـخـطف لونك
وامــوت من الـقهر لو يـنـخـطف لونك
الإثنين فبراير 13, 2023 6:46 pm من طرف 
