انا الحزين

انا الحزن الذي غطى..على أوطان الحزن بأحزان
وأنا غيمة شقى تمطر..قصأئد عشق مقهوره
وأنا البيت الذي طنبه..شعر وعماده الوجدان
هجره الناس كل الناس..بعد ماقطفت زهوره
وانا اللي دنيتي مني..تملل ما لقت عنوان
مواويل الألم تعزف..على اوتار الفرح جوره
وأنا اللي حطني حضي..على باب الألم نيشان
أعاني طعنته واليوم..أنا غرقان فبحوره
أحس اني في مثل مركب..تاه بداخله طوفان
ومجاديف النجاة اللي..تعين اليوم مكسوره
وأحس اني مثل الطفل(ن)..يعاني لوعة الحرمان
ويعيش بدنيةٍ كلها..هموم..أحزان ممطوره
وأحس اني كما طير..يغرد في قفص سجان
يطرب من سمع صوته ..وهو في داخله ثوره
وأحس اني كما الشمعه..تحرق روحها بنيران
لجل غيري يشوف الدرب..بنوري لنطفي نوره
وأحس اني كما ريشه..تحركها يد الفنان
بياض الدنيا في عيونه..سواد يلون الصوره
وأحس اني بهالدنيا..وحيد أمشي بلا خلان
بعد ما كسر خاطرى..من أحيا حسي وشعوره