موعد حب

موعد حب


هو / اشلونچ يا أعز
الناس عندي ..
هو الگلب چم أحبيبه عنده ..

هي / هزني الشوگ
عالموعد اتانيك ..
وأعد بيدي الدقايق
وحده وحده ..
وحده .. اثنين ..
هاي الثالثة تروح ..
اتاني وصار هالموعد اشبعده
نمت حسبالي
اشوفك بالحلم جاي ..
وگلت دمعاتي احطهن وسط خده

هو / نمتي .. هنيالچ غفيتي ..
وآنة ليلي يمر على
عيوني صبح
الينيَّم ويمسد عليها..
مو مثل ليلولي وينيم جرح .. !!
والغفه ابكلمة محنه ..
مو مثل الينام وبعينه ملح ..!!

هي / لا حبيبي ..
آنه هذا الليل من يمرني دمعة..
وحزن.. واشواگ .. وحنين
آنه عيني عليك ما بطل دمعها ..
تبچي ما تسكت العين ..

هو / لا .. لا تبچين ..
امسحي دمعتچ
وارجوچ لا تبچين ..
يل دمعچ جمر
وخدودچ احلى أورود ..
خايف على اخدودچ من دموع العين ..
لا تبچين ..
وتحترك ما تحمل النيران ..
يذبل كل ورگها وتستحي من الطين ..

هي / وانت تگلي لا تبچين ..؟
مو عمري انتهى .. وايامي كلها أتروح ..
لو راح العمر متگلي اجيبه أمنين ..؟

هو / لا تبچين ..
المن بعد المن تسوه دمعه أتطيح ..
هو اشباقي بينا
ونحترگ كل حين ..
تعبنا القهر ممشى جزيرة وخوف ..
صار الماضي غلطه وچنه غلطانين !!
لا تبچين لو يسوه العمر يمكن بچينا اسنين ..

هي / اشلون اتگلي لاتبچين ..

هو / لا تبچين ..!!

هي / تدري انت اليحب
ما يگدر اعله النار ..
ويا نار اللي بيَّه أتفزز الميتين ..
احتاج الدمع من ما اشوفك يوم ..
لأن يصبح عليَّ اليوم خمس سنين ..!!
حبيبي لخاطري ..
لا تبتعد ارجوك
ما احمل فراگك ..
تدري كلش زين ..

هو / بس ارجوچ لاتبچين ..
خوفي آنه عليچ من الدمع والله ..
مرات الدمع
ياخذ حلاة العين ..
ويل كلچ ترافه ارجوچ لا تبچين

هي / هزني الشوگ
عالموعد اتانيك ..
وأعد بيدي الدقايق
وحده وحده ..
وحده .. اثنين ..
هاي الثالثة تروح ..
اتاني وصار هالموعد اشبعده
نمت حسبالي
اشوفك بالحلم جاي ..
وگلت دمعاتي احطهن وسط خده

هو / نمتي .. هنيالچ غفيتي ..
وآنة ليلي يمر على
عيوني صبح




مشكور يا مارتن كلش حلوة ابدعت


تقبل مروري تحياتي

يسلمو حبايبعلة مروركم الحلو
الكم يا احلة اعضاء

موضوع غاية في الروعة يسلمو

يسلمو حبيبي اميل لمرورك الحلو
الك