[مرة رايح للكلية ما عندي فلوس اصعد بطة اصعد كية
ومن صعدت بالكية صعدت وياي بنية
گعدت گبالي وضلت بس تباوع لية
وهناك صاح السايق وين الكروة
دفعت انه وضلت هية
وگلتلها شمالچ يابنية
ادفع عنچ انه المية
مو انه حبيتچ يابنية
من اول نضرة اليه
وبعد انه شلون بيه
ولچ نسيت امي وابيه
وسولفنا سوية وضحكنا سوية
وهناك وگلت اريد اخطبچ يا البنية
لان حبچ خلى بگلبي اذية
گلتلي يالله اخطبني شتنتضر بيه
وهنا ك ورحت لأمي گلتلي يمه شلون الكلية
گلتلها يمه يا كليه من انعل ابو الكلية
انا اليوم صعدت ويه بنية
واريدچ هسة تخطبيها اليه
گلتلي يمه شلك بالبنية
عوفها واشتريلك كيه
گلتلها يمه شسوي بالكية
مو تريد دهن وبانزين وتصليح يومية
گلتلها يمه الا تخطبيلي البنية
وراحت امي وخطبتلي البنية
اشو امها طلبت من عندي مليون وستمية
وخالتها تريد سوار وزوج نعال وترچية
]وبت اختها تريد مني علج وببسي وشامية
وابوها يريد سيارة كرستا يابانية
[]والحجيه فراش ولحاف وبطانية
[واخوها بنطرون وقميص وفلوس كروه للديوانية
[]تكول فكر وعايشين عمرهم تكول مكديه
[/وعمها يريد عكال ودشداشه وقندره مطلية
گلتلهم من هيج بيكم وهيج بالبنية
شنو صارت ولـــــــــــــية
وتركت البنية
انوب رجعت لامي گلتلها يمه اشتريلي كيا
گلتلي دطــــــــــــــير يا صايع يا گونية
وتالي صفيت لاني من الكية ولا البنية
وطـــــاح حظي بالكلية[/
الإثنين فبراير 13, 2023 6:46 pm من طرف 
