ندمــــــــــان

ابكد طول انتظاري العشته وياك
نادم .. وبكثر ما عندي حرمان
اشتدور عالاصابع بيدي مشوف
اشيظل اصبع بعد بجفوف ندمان
عصافير المشاعر جانن وياك
وبس انته غصنهن مالكن غير
ومن شافن غصنهن صار مصياد
واهس ما بقه بخلك العصافير
اوصفلك لهفتي الجانت وياك
لهفة محترك ورشكة الماي
وهسه اللهفه بردت تدري ليوين
ابرد من كلب شماتي وياي
متعوده المشانق تلبس ركاب
سيت وما تبدله وكاعد فصال
وشلت وياي طبع المشنقه وما
تعانق حب الي اتعانقني كتال
يعجب دور حلكك لكن بهاي
ماهمني الشكل والمحتوى الهام
حلكك طلع حلك المشنقه وياي
الماعنده ابد بس طاري لعدام
جنت وياك انه بايدي جفين
واحد بقه بجفك من رحت لف
وبقه واحد بدي ميصفك وضال
منك عالخدود ايصفك الجف
ورزقتك امل كتلك ممكن انعود
صفناتك بيك كامت تاخذ اترد
ونطرتك تحجي لما من العيون
عرك روحي وكع مو دمع عالخد
وي كل دمعه تنزل ينزل الشوف
لحد ما شوفي خلص ويه الجفون
لتباوع شكلهن شوفهن مات
ذني عله الوجه تذكار العيون
على راحتي اشتسال ونه ضليت
اوف وعاشرت بشفاف مسجون
هم ترتاح اوف بحلك مسجون

زائر

كلمات اتخبل خون كلش حلوووعاشت ايديك ورده

شكرا الج خاثي اسعدني مرورج
نورتي

خاطره جميله ورائعه

سلمت الايادي

تقبل مروري المتواضع

تحياتي

إرسال الصورة

ندمــــــــــان